සටහන – රුවන් නෙළුගොල්ල
නීතීඥවරුන්ගේ හෝ වෛද්‍යවරුන්ගේ වාහන හඳුනාගැනීම සඳහා යොදාගෙන ඇති ස්ටිකර් හෝ එවැනි කිසිදු ලාංඡනයක් ඉවත් කිරීමට රජය කිසිදු තීරණයක් ගෙන නොමැති බව සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා පවසයි.
“නීතීඥවරුන්ගේ හෝ වෛද්‍යවරුන්ගේ හඳුනාගැනීම සඳහා යොදන ඒ ස්ටිකර් එක හෝ මොකක්හරි ඉවත් කරන්න කිසිම තීන්දුවක් රජයේ පාර්ශ්වයෙන් අරගෙන නැහැ. මෝටර් රථ ප්‍රවාහන දෙපාර්තමේන්තුව හෝ පොලීසිය හෝ එවැනි තීන්දුවක් අරගෙන නැහැ. ඇත්තටම එහෙම එකක් ගහගෙන ඉන්න එක හදිසි අවස්ථාවලදී විතරක් නෙවෙයි රෝහල්වලට ඇතුළු වීමේදී පහසුවක්. 500 – 600ක කාර්ය මණ්ඩලයක් ඉන්න තැනක ඇතුළත් වීමේදී සෙකුරිටි එකෙන් දන්නෙ නැහැ මේ කවුද එන්නෙ කියලා. ඒ නිසා ඒක පහසුවක්. ඒ නිසා එවැනි මේ ආකාරයේ හඳුනාගැනීම සඳහා යොදලා තියෙන කිසිදු ලාංඡනයක් ඉවත් කරන්න රජය බලාපොරොත්තු වෙන්නෙ නැහැ”
අමාත්‍ය නලින්ද ජයතිස්ස මහතා මේ බව පැවසුවේ ඊයේ (21) පාර්ලිමේන්තුවේදී රෝහිත අබේගුණවර්ධන මන්ත්‍රීවරයා නැඟූ ප්‍රශ්නයකට පිළිතුරු ලබාදෙමිනි.
