2022 සැප්තැම්බර් මාසය සඳහා ජාතික පාරිභෝගික මිල දර්ශකය ජනලේඛන හා සංඛ්‍යාලේඛන දෙපාර්තමේන්තුව විසින් ඊයේ (21) නිකුත් කර තිබේ.
ඒ අනුව, 2022 සැප්තැම්බර් මාසය සඳහා ලක්‍ෂ්‍යමය මතුපිට උද්ධමනය (Headline Inflation) 73.7% කි. පසුගිය අගෝස්තු මාසයෙහි මෙම අගය සටහන් වූයේ 70.2% ක් වශයෙනි.
2022 සැප්තැම්බර් මාසයේදී ආහාර කාණ්ඩයේ ලක්‍ෂ්‍යමය උද්ධමනය 85.8 % කි. මෙම අගය අගෝස්තු මාසයේදී පැවතියේ 84.6% ක් ලෙස ය.
ආහාර නොවන කාණ්ඩයේ ලක්‍ෂ්‍යමය උද්ධමනය, 2022 සැප්තැම්බර් මාසයේදී 62.8 % දක්වා ඉහල ගොස් ඇති අතර 2022 අගෝස්තු මාසයේදී එය 57.1 % ලෙස වාර්තා විය.
RN
