තරුණියකට ලිංගික අතවර කිරීමේ චෝදනාවක් මත අත් අඩංගුවට ගත් පොල්ගහවෙල ප්‍රාදේශීය සභාවේ මන්ත්‍රීවරයකු නොවැම්බර් 05 වනදා දක්වා රක්ෂිත බන්ධනාගාරගත කිරීමට පොල්ගහවෙල මහේස්ත්‍රාත් උදුම්බරා දසනායක මහත්මිය ඊයේ (22) නියෝග කර තිබේ.
මෙසේ රක්ෂිත බන්ධනාගාරගත කර ඇත්තේ ජාතික ජන බලවේගය නියෝජනය කරමින් පොල්ගහවෙල ප්‍රාදේශීය සභාව සඳහා තේරී පත්ව මන්ත්‍රීවරයකු වශයෙන් කටයුතු කරන දිනේෂ් සමන්ත කුමාර විජේසිංහ නමැත්තෙකි.
සැකකාර මන්ත්‍රීවරයාට අයත් බිස්කට් අලෙවි නියෝජිත ආයතනයක සේවය කරන 20 හැවිරිදි තරුණියකට කරන ලද ලිංගික හිරිහැරයක් සම්බන්ධයෙන් ලැබුණු පැමිණිල්ලකට අනුව පොල්ගහවෙල පොලීසිය විසින් ඔහුව පෙරේදා පස්වරුවේ අත්අඩංගුවට ගෙන තිබිණි.
