සටහන – රෂිකා හෙන්නායක
කොළඹ (LNW): 77 හැවිරිදි වියේ පසු වූ ඉන්දියාවේ හිටපු ක්‍රිකට් නායකයෙකු වන බිෂාන් සිංග් මියගොස් ඇති බව විදෙස් මාධ්‍ය වාර්තා කර තිබේ.
බිෂාන් සිංග් දඟ පන්දුවෙන් ටෙස්ට් ක්‍රිකට් පිටියේ දැක්වූ දක්ෂතා හේතුවෙන් ලොවපුරා අතිශය ජනප්‍රිය වූ ක්‍රීඩකයෙකි. ඔහු 1966 වර්ෂයේ සිට 1979 දක්වා ඉන්දීය ක්‍රිකට් කණ්ඩායම නියෝජන කළේය.
එසේම ටෙස්ට් තරග 67කදී ඔහු කඩුලු 266ක් දවා ගැනීමට සමත්ව ඇත.
පසුගිය වසර දෙකක කාලය තුළ, බෙඩි අසනීප තත්ත්වයෙන් පසු වූ අතර, ඔහු මීට මාසයකට පෙර දණහිසේ සැත්කමක් ඇතුළු වෛද්‍ය ප්‍රථිකාර සඳහා භාජනය වී ඇත. මියගොස් ඇති බව ඔහුගේ පවුලේ ඥාතීන් තහවුරු කර ඇති බවයි විදෙස් මාධ්‍ය වාර්තා කරන්නේ.
” ඔහුගේ ආත්මය සමාදානයේ සැතපේවා” යනුවෙන් ඉන්දීය ක්‍රිකට් පාලක මණ්ඩලය විසින් නිකුත් කරන ලද X සටහනක් දක්වා ඇත.
“ඉන්දීය ක්‍රිකට් කණ්ඩායමේ හිටපු නායක සහ පන්දු යවන්නෙකු වන බිෂාන් සිං බේඩි ජි අපෙන් වෙන්ව ඇත. එය ඉතා ඛේදනීය පුවතක් සහ ක්‍රිකට් ලෝකයට විශාල පාඩුවක්,” යැයි යුනියන් ක්‍රීඩා අමාත්‍ය අනුරාග් තාකූර් මහතා පවසා ඇත.
1969-70 ඔස්ට්‍රේලියාවට එරෙහිව සිය මංගල ටෙස්ට් තරගයට සහභාගි වූ බේඩි, කඩුලු 21ක් සමඟින් තරගාවලිය අවසන් කළේය. එංගලන්තයට එරෙහිව කඩුලු 25ක්, බටහිර ඉන්දීය කොදෙව්වන්ට එරෙහිව තවත් කඩුලු 18ක්, එංගලන්තයට එරෙහිව තවත් කඩුලු 22ක්, එංගලන්තයට සහ ඕස්ට්‍රේලියාවට එරෙහිව නැවතත් 25ක් සහ 31ක් ලබා ගත් බේඩි, සැබෑ අර්ථයෙන් ගත් කල, මෙතෙක් බිහිවූ විශිෂ්ටතම දඟ පන්දු යවන්නන්ගෙන් කෙනෙකි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
