රෂිකා හෙන්නායක ඔක්තෝබර් 25,කොළඹ (LNW):
අද (25 ) දින බොදු බල සේනා සංවිධානයේ මහලේකම් පූජ්ය ගලගොඩඅත්තේ ඥානසාර හිමි ඉදිරිපත් කර ඇති අභියාචනා පෙත්සමක් විභාගයට ගැනීමට අභියාචනාධිකරණය නියම කර තිබෙන අතර, ඥානසාර හිමිට නියම වී ඇති සිව් වසරක සිර දඬුවමින් නිදොස් කොට නිදහස් කරන ලෙසයි ඉල්ලා පූජ්ය ගලගොඩඅත්තේ ඥානසාර හිමි එම පෙත්සම ඉදිරිපත් කර ඇත .
එම පෙත්සම අද (25) කැඳවූ අවස්ථාවේ ඥානසාර හිමි වෙනුවෙන් පෙනී සිටි නීතිඥවරිය අධිකරණය හමුවේ කරුණු දක්වමින් මෙම අභියාචනා පෙත්සම විභාගයට ගැනීම සඳහා දිනයක් නියම කරන ලෙස ඉල්ලා සිට තිබෙන අතර, ඒ අනුව අදාළ අභියාචනය ලබන වසරේ අප්රේල් මස 03 වනදා විභාගයට ගැනීමට අධිකරණය නියෝග කර ඇත.
