රෂිකා හෙන්නායක ඔක්තෝබර් 26, කොළඹ (LNW):
මහරගම හිටපු නගරාධිපතිනි කාන්ති කොඩිකාරට මැතිවරවරණ ප්රචාරණ කටයුතු සඳහා එක්වූ අවස්ථාවේ පහරදීමේ සිද්ධිය සම්බන්ධයෙන් අත්අඩංගුවට ගත් සැකකරු පොලිස් ඇප මත මුදාහැර තිබෙන බව පැවසේ.
මෙවර මහමැතිවරණයට තරග කරන සිය සැමියා වන උපාලි කොඩිකාර මහතා වෙනුවෙන් ඇය ගෙයින් ගෙට ගොස් මැතිවරණ ප්රචාරණ කටයුතුවල නිරත වූ බව සඳහන් වන අතර, ඊයේ (25) පස්වරුවේ පන්නිපිටිය ප්රදේශයේදී ඇය ඡන්ද ප්රචාරණ කටයුතුවල එක්වී සිටිය අවස්ථාවේදීයි අදාළ පහරදීම සිදුවී ඇති බවට තොරතුරු වාර්තා වේ.
පසුව, කාන්ති කොඩිකාර මහත්මිය ශ්රී ජයවර්ධනපුර රෝහලට ඇතුළත් කිරීමට පියවර ගෙන ඇති බවත් , සැකකාර පුද්ගලයා මහරගම පොලිසිය විසින් අත්අඩංගුවට ගැනීමට කටයුතු කළ අතර මේ වනවිට ඔහු පොලිස් ඇප මත මුදාහැර තිබෙන බව වැඩිදුර තොරතුරු වාර්තා වේ.
