රෂිකා හෙන්නායක ඔක්තෝබර් 26, කොළඹ LNW :
ඉකුත් 24 වනදා ගොඩකන්ද ප්‍රදේශයේ දී බද්දේගම ප්‍රාදේශීය සභාවේ උපසභාපතිට පහර දීම සම්බන්ධයෙන් මේ වන විට පොලිස් කණ්ඩායම් දෙකක් යොදා විමර්ශන ආරම්භ කර ඇති බව පොලීසිය පවසයි.
පොලීසිය පැවසුවේ, ඔහු බිරිඳ සමග නිවස බලා යමින් සිටියදී එම ප්‍රදේශයේ දී මාර්ගය හරස්කර අදාළ ප්‍රහාරය එල්ලකර ඇති බවයි. ප්‍රහාරයෙන් තුවාල ලැබූ බද්දේගම ප්‍රාදේශීය සභාවේ උපසභාපතිවරයා ගාල්ල ජාතික රෝහලට ඇතුළත් කෙරුණි.
