සපුගස්කන්ද තෙල් පිරිපහදුව සඳහා නොගැලපෙන බාල බොරතෙල් ආනයනය කිරීමේ ජාවාරමක් පිළිබඳව ලංකා නිව්ස් වෙබ් අපි මීට පෙර පුවත් කිහිපයක් ඔස්සේම අනාවරණය කළෙමු.
ශ්‍රී ලංකාවේ සාමාන්‍යයෙන් භාවිතා කෙරෙන්නේ ඔක්ටේන් අගය 90ක් වන පෙට්‍රල් වන අතර පෙරකී බොරතෙල් පිරිපහදු කළ විට ලැබෙන්නේ ඔක්ටේන් අගය 82 ටත් අඩු පෙට්‍රල් ය. එමෙන්ම එම බොරතෙල් පිරිපහදු කිරීමෙන් ලැබෙන දැවිතෙල් කැළණිතිස්ස විදුලි බලාගාරය සඳහා භාවිතා කළ නොහැකි මට්ටමේ බාල ඒවා බවත් වාර්තා විය.
එවන් වූ බාල බොරතෙල් ජාවාරම මේ වනවිට නැවත වතාවක් ක්‍රියාත්මක වන බව තෙල් සංස්ථා ආරංචිමාර්ග සඳහන් කළේය.
ඒ අනුව රුසියාවේ සිට එවන් බාල බොරතෙල් රැගත් නෞකාවක් මේ වනවිට ශ්‍රී ලංකාව කරා පැමිණෙමින් තිබෙන බව ආරංචිමාර්ග පැවසීය. එම නෞකාව මේ වනවිට මලක්කා සමුද්‍ර සන්ධිය ආසන්නයේ පවතින බව සඳහන්.
මෙම බාල බොරතෙල් ජාවාරම මෙරට ප්‍රබලතම දේශපාලන පවුලක අනුසහින් ක්‍රියාත්මක වන්නක් වන අතර ඒ ඔස්සේ ඇමරිකානු ඩොලර් මිලියන ගණනින් ගසාකෑමක් සිදුවෙමින් පවතී.
බොරතෙල් නොමැති වීමෙන් සපුගස්කන්ද තෙල් පිරිපහදුව මේ වනවිට නැවතී ඇති අතර එය යළිත් සක්‍රිය කිරීමට යන්නේ පෙර වතාවේ මෙන්ම බාල බොරතෙල් යොදාගෙන ය.
RN
