සටහන – රෂිකා හෙන්නායක
කොළඹ (LNW): Dialog Axiata වර්තමානයේ මෙරට ප්‍රමුඛ පෙළේ දුරකථන සන්නාමය බවට පත්වෙමින්, දකුණු ආසියාවේ තෝරාගත් කණ්ඩායමක් අතර පුද්ගලිකත්ව තොරතුරු කළමනාකරණ පද්ධති සඳහා වන ජාත්‍යන්තර ප්‍රමිතිය වන ISO 27701 සහතිකය ලබා ගනිමින් සුවිශේෂී සන්ධිස්ථානයක් අත්කර ගත්තේය.
ISO 27001 , ISO 27701 මඟින් දත්ත රහස්‍යතාව පිළිබඳ අමතර පාලනයන් සහ සංවිධානයක රහස්‍යතා තොරතුරු කළමනාකරණ පද්ධතිය ස්ථාපිත කිරීම, ක්‍රියාත්මක කිරීම, නඩත්තු කිරීම සහ වැඩිදියුණු කිරීම පිළිබඳ මාර්ගෝපදේශ සපයයි.
ISO 27701 ප්‍රමිතිය පුද්ගලිකත්ව තොරතුරු කළමනාකරණ පද්ධති (PIMS) සඳහා පුළුල් රාමුවක් තුළදී ආයතනවලට ඔවුන්ගේ දත්ත රහස්‍යභාවය රැකගැනීමට සහ වෙනස්වන පෞද්ගලිකත්ව ගැටලු සහ නියාමන ඉල්ලීම්වලට අනුවර්තනය වීමට ඉඩ සලසා දී ඇත.
“මෙම සහතිකය ලැබීමෙන් දත්ත ආරක්‍ෂාව සහ පෞද්ගලිකත්වය සඳහා අපගේ නොසැලෙන කැපවීම සනිටුවහන් කරයි. ISO 27701 සහතිකය මිලියන 17 කට අධික ශ්‍රී ලාංකිකයන් සහ ව්‍යවසායකයන්ගේ විශ්වාසය පවත්වා ගැනීමට අපගේ කැපවීම පිළිබඳ සාක්ෂියකි,” Dialog Axiata PLC හි සමූහ ප්‍රධාන විධායක සුපුන් වීරසිංහ මහතා අදහස් දක්වමින් පැවසීය.
ISO 27701, රහස්‍යතා තොරතුරු කළමනාකරණ පද්ධති සඳහා වන පළමු ගෝලීය ප්‍රමිතිය, Dialog ලැබූ ජයග්‍රහණයක් බවත් Dialog සමාගම ශ්‍රී ලංකාවේ අදාළ රෙගුලාසිවලට අනුකූලව කටයුතු කිරීම එමඟින් සහතික කරයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
