රෂිකා හෙන්නායක ඔක්තෝබර් 29, කොළඹ (LNW):
ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා මහතා ආරක්ෂක මූලස්ථාන සංකීර්ණයේ පිහිටි යුද හමුදා මූලස්ථානයේ සංචාරයක නිරත වූ බව සඳහන් වේ.
ඒ මහතා ආරක්ෂක ලේකම්වරයා ලෙස පත්වීමෙන් පසු යුද හමුදා මූලස්ථානයට පැමිණි පළමු අවස්ථාව මෙය බව වාර්තා වේ.
ආරක්ෂක ලේකම් සම්පත් තුයියකොන්තා මහතා පිළිගැනීම වෙනුවෙන් සම්මාන මුරයක් පිරිනැමුණු අතර , යුද හමුදාපති ලුතිනන් ජෙනරාල් විකුම් ලියනගේ මහතා ආරක්ෂක ලේකම්වරයා පිළිගනු ලැබූ බව සඳහන් වේ.
ආරක්ෂක ලේකම්වරයා සහ යුද හමුදාපතිවරයා සුහද සාකච්ඡාවක ද නිරත වී ඇති අතර , ජාතික ආරක්ෂාව ප්රමුඛ කර ගනිමින් රටේ සංවර්ධන ක්රියාවලියට යුද හමුදාව දක්වන දායකත්වය ආරක්ෂක ලේකම්වරයා මෙහිදී අගය කළ බව වාර්තා වේ.
