කොළඹ LNW:2024 මහ මැතිවරණයට අදාළව දිස්ත්‍රික් ලේකම් කාර්යාල හා ආරක්ෂක අංශ තැපැල් ඡන්ද සලකුණු කිරීම අද පෙරවරුවේ ආරම්භ විය.
ඊට සමගාමීව මහනුවර දිස්ත්‍රික් ලේකම් කාර්යාලීය කාර්යය මණ්ඩලය තැපැල් ඡන්ද සලකුණු කිරීම ප්‍රධාන ශාලාවේදී අද පෙරවරු 08.30ට ආරම්භ කෙරුණි.
දිස්ත්‍රික් ලේකම් කාර්යාලය, මැතිවරණ කොමිෂන් සභාවේ කාර්යාල, පොලීසිය, විශේෂ කාර්යය බලකා, ත්‍රිවිධ හමුදා ඇතුලු ආරක්ෂක අංශ සඳහා තැපැල් ඡන්ද සලකුණු කිරීම අද දිනයේදී සිදුවෙයි.
තැපැල් ඡන්ද සලකුණු කිරීම සඳහා මහනුවර දිස්ත්‍රික්කයේ නිලධාරීන් 57951ක් සුදුසුකම් ලබා ඇති අතර නියෝජ්‍ය මැතිවරණ කාර්යාලයට ලැබුණු තැපැල් ඡන්ද අයදුම්පත් 59 286න් අයදුම්පත් 1335 ප්‍රමාණයක් ප්‍රතික්ෂේප වී ඇතැයි මහනුවර දිස්ත්‍රික් තේරීම්භාර නිලධාරී චන්දන තෙන්නකෝන් මහතා සඳහන් කරයි.
මහනුවර දිස්ත්‍රික් තේරීම්භාර නිලධාරීවරයාගේ අධීක්ෂණය මත මහනුවර නියෝජ්‍ය මැතිවරණ කොමසාරිස් ආචාර්ය සම්පත් ප්‍රනාන්දු මහතාගේ සම්බන්ධීකරණය මත මහනුවර දිස්ත්‍රික් තැපැල් ඡන්ද සලකුණු කිරීම ක්‍රියාත්මක වේ.
මහනුවර – නදීක දයා බණ්ඩාර
