කොළඹ LNW:නීත්‍යානුකූල නොවන ආකාරයට BMW සුඛෝපභෝගී මෝටර් රථයක් භාවිතා කිරීම සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි හිටපු අමාත්‍යවරයෙකු වන ජොන්ස්ටන් ප්‍රනාන්දු මහතා ද (30) යළි කොටුව මහේස්ත්‍රාත් අධිකරණය වෙත රැගෙන ආවේය.
එම මෝටර් රථයේ සිදුවීමට අදාළව අපරාධ පරීක්ෂණ දෙපාර්තමේන්තුවට ප්‍රකාශයක් ලබා දීම දින කිහිපයක් මඟහැර සිටියදී පසුගිය 23 වැනිදා ඔහු අපරාධ පරීක්ෂණ දෙපාර්තමේන්තුවේ පැය හතරක පමණ කාලයක් ප්‍රකාශයක් දීමෙන් අනතුරුව අත්අඩංගුවට ගැනුණු අතර අධිකරණයට ඉදිරිපත් කිරීමෙන් අනතුරුව අද දිනය දක්වා රක්ෂිත බන්ධනාගාර ගතකිරීමට අධිකරණය නියෝග කරන ලදී.
එම BMW මෝටර් රථය මෙරට මෝටර් රථ දෙපාර්තමේන්තුවේ ලියාපදිංචි කර නොමැති අතර එය භාවිතා කර තිබුණේ ව්‍යාජ අංක තහඩුවක් යොදාගෙන බවද විමර්ශන වලදී අනාවරණය වී තිබුණි.
එමෙන්ම අදාළ BMW මෝටර් රථයේ චැසි අංකය ජාත්‍යන්තර පොලීසියේ දත්ත පද්ධතිය ඔස්සේ පරීක්ෂාවට ලක් කිරීමේදී මෙය 2021 වසරේ එංගලන්තයෙන් සොරකම් කරන ලද මෝටර් රථයක් බව ද අනාවරණය විය.
ඒ අනුව එම මෝටර් රථය එකලස් කර ඇත්තේ මෙරටදීය.
ආශිකා බ්‍රාහ්මණ
