සටහන – නිශ්මං රණසිංහ
ඔක්තෝබර් 30, (LNW) කොළඹ:WONDR by BNI Indonesia Masters II 2024 ජාත්‍යන්තර බැඩිමින්ටන් තරගාවලිය නියෝජනය කළ ශ්‍රී ලංකා ජාතික සූරිය වන රනිත්මා ලියනගේ ඉන්දුනීසියානු ක්‍රීඩිකා ඩෙස්වන්ටි හුජන්සි අතින් වට 2-0 ක පරාජයක් ලැබුවා.
ලකුණු 21 -18 සහ 21 – 19 ක් ලෙස 20 හැවිරිදි ඉන්දුනීසියානු ක්‍රීඩිකාව 17 හැවිරිදි රනිත්මාව පරාජයට පත් කළා.
ඩෙස්වන්ටි, මේ වසරේ පැවති Austrian Open 2024 තරගාවලියේ මෙන්ම 2023 වසරේ පැවති RSL Lithuanian International 2023 තරගාවලියේ ද සූරතාවය දිනා ගන්නට සමත් වී තිබෙනවා.
මේ අතර මෙම තරගාවලිය නියෝජනය කරන පළමු වටය ජය ගෙන සිටි ශ්‍රී ලංකාවේ දුමිදු අබේවික්‍රම දෙවන වටයේ තරගයකදී ඉන්දියානු ක්‍රීඩක කිරන් කුමාර් මේකල ඉදිරියේ වට 2-1 ක පරාජයක් ලැබුවා.එම තරගයේ ලකුණු තත්ත්වය දැක් වුණේ ලකුණු 12-21,21-16 සහ 21 -10 ක් ලෙසයි.
