රෂිකා හෙන්නායක නොවැම්බර් 03, කොළඹ (LNW):
දකුණු කොරියාවේ කන්ග්වෝන්හීදී පැවැත්වුණු 2024 Asia Model Festival හී Face of Asia – Female කිරුළ දිනාගැනීමට මෙරට නියෝජනය කළ ජූලියා සොනාලී සමත් විය.
Face of Asia – male කිරුළ හිමි වුණේ දකුණු කොරියාවටයි.
2006 වසරේ සිට සියලුම ආසියාතින රටවල තරගකරුවන් සහභාගී වන මෙම තරගාවලිය කොරියානු ජනරජයේ සංස්කෘතික, ක්‍රීඩා සහ සංචාරක අමාත්‍යාංශයේ අනුග්‍රහය සහිතව අඛණ්ඩව පැවැත්වේ.
ඒ සඳහා ශ්‍රී ලංකාව නියෝජනය කරමින් ජූලියා සොනාලී සහ උදාම ආරච්චිගේ සහභාගී විය.
Face of Asia, Asia Open Collection සහ Asia Model Awards යන ප්‍රධාන ඉසව් තුනකින් Asia Model Festival සමන්විත අතර, ඉන් ජූලියා සොනාලී Face of Asia කිරුළ දිනා ගත්තාය.
මීට අමතරව best country partner සහ main sponsor award zeel දිනා ගැනීමට ශ්‍රී ලංකාව සමත් වී ඇත
