සටහන – රෂිකා හෙන්නායක
කොළඹ (LNW): 2003 දී චීනයේ ප්‍රථම ගගනගාමියා Yang Liwei අභ්‍යවකාශයට ගමන් ඇරබීමෙන් පසු, මෙවර වාර්තාවක් තබමින් චීනයේ ලාබාලතම ගගනගාමී කාර්ය මණ්ඩලය මේ වන විට අභ්‍යාවකාශ ගත වී ඇත .
මෙය ඉතිහාසගත අවස්ථාවක් බවත්, නැගී එන අභ්‍යවකාශ බලවතෙකු බවට පත්වීමට චීනයට මෙය හේතුවක් වූ බවත් වාර්තා වේ.
ප්‍රථම වරට අභ්‍යවකාශයට ගොස් දශක දෙකක් ගත මොහොතේ , චීනය අභ්‍යවකාශයේ ඔවුන්ගේ ගවේෂණයන් තීව්‍ර කරමින් සිටින බවත්, චීනයට මේ වන විට සම්පුර්ණයෙන්ම ක්‍රියාත්මක වන Tiangong නම්වූ අභ්‍යවකාශ ස්ථීර මධ්‍යස්ථානයක්ද පිහිටුවා ඇති බවද විදෙස් මාධ්‍ය සඳහන් කරයි.
එමෙන්ම පසුගියදා චීන ගගනගාමීන් තිදෙනා Shenzhou-17 අභ්‍යවකාශ යානයෙන් Tiangong අභ්‍යවකාශ මධ්‍යස්ථානය වෙත පිටත්ව ගොස් ඇති අතර, ඒ මාස හයක කාලයක් Gobi කාන්තාරයේ පිහිටි Jiuquan චන්ද්‍රිකා දියත් කිරීමේ මධ්‍යස්ථානයේ රැඳී සිටීම සඳහා බවයි වාර්තා වන්නේ.
මෙහි කාර්ය මණ්ඩලය චීනය අභ්‍යවකාශයට යවා ඇති ලාබාලතම කාර්ය මණ්ඩලය බවත් ඔවුන් තිදෙනාම වයස අවුරුදු තිස් ගණන්වල පසුවන අය වන බවත් සඳහන් වේ.
අභ්‍යවකාශ සුන්බුන් නිසා හානි වූ සූර්ය පැනල අලුත්වැඩියා කිරීම ඔවුන් තිදෙනාගේ ප්‍රධාන කාර්ය වන බවයි දැක්වෙන්නේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
