රෂිකා හෙන්නායක නොවැම්බර් 05, කොළඹ (LNW):
ආචාර්ය මොතිලාල් ද සිල්වා මහතා , ශ්රී ලංකා ටෙලිකොම් ආයතනයේ නව සභාපතිවරයා ලෙස පත් කර තිබේ.
ටෙලිකොම් ක්ෂේත්රයේ වසර ගණනාවක අත්දැකීම් හා පළපුරුද්ද ඇති වෘත්තීයවේදියකු ලෙස පිළිගැනීමට පත් ඒ මහතා ටෙලිකොම් ක්ෂේත්රය ආශ්රිතව විදෙස් රටවල ප්රකට සමාගම් රැසක සේවය කර ඇති බව සඳහන් වේ.
ටෙලිකොම් ෆීජි ආයතනයේ සමූහ විධායක නිලධාරීයකු ලෙස ද කටයුතු කර ඇති ඔහු වසර 5ක පමණ කාලයක් පාඩු ලබමින් තිබූ එම ආයතනය ලාබ ලබන රාජ්ය ආයතනයක් බවට පත් කිරීමට සමත් වූ අතර එය ඔහුගේ වෘත්තීය ජීවිතයේ වැදගත් සංධිස්ථානයක් ලෙස පිළිගැනීමට පත්ව ඇත.
මීට අමතරව ආචාර්ය මොතිලාල් ද සිල්වා මහතා ඩයලොග් ආසිආටා සමාගමේ හා මැලේසියා ආසිආටා සමාගමේ ද උසස් තනතුරු කීපයක්ම දරා ඇති බව වැඩිදුරටත් වාර්තා වේ.
