කොළඹ LNW: මෙරට භූමියේ සහ සාගරයේ ආරක්ෂාව පිළිබඳ උපායමාර්ගික සැලැස්මක් සැකසීම සඳහා ජනපති පත් කළ කමිටුවේ පළමු වාර්තාව මාස හයක් ඇතුලත ලබා දෙන ලෙස ජනාධිපති කාර්යය මණ්ඩල ප්‍රධානී සාගල රත්නායක පවසා තිබේ.
ඔහු මේ බව පවසා ඇත්තේ ජනාධිපති ලේකම් කාර්යාලයේ දී රැස්වූ ආරක්ෂක සමලෝචන කමිටු රැස්වීමේ දී බව සඳහන්.
රටේ අනාගත ආරක්ෂාව තහවුරු කිරීමට ගත යුතු ක්‍රියාමාර්ග නිර්දේශ කිරීමේ වගකීම ද පවරමින් කැබිනට් අනුමැතියට යටත්ව ජනාධිපතිවරයා විසින් ඉහත කමිටුව පත් කෙරුණි.
විශ්‍රාමික මේජර් ජනරාල් චන්න ගුණතිලකගේ සභාපතිත්වයෙන් මෙම කමිටුව පත් කර ඇති අතර විශ්‍රාමික ත්‍රිවිධ හමුදා ප්‍රධානීන් මෙන්ම විදේශ ආත්‍යාංශයේ හා මුදල් හා ආර්ථික ප්‍රතිසංස්කරණ අමාත්‍යාංශයේ උපදේශක ද ඇතුළුව සමාජිකයන් හය දෙනෙකුගෙන් කමිටුව සමන්විත යි.
රටේ ආරක්ෂාව සහ සාගරයේ ආරක්ෂාව සම්බන්ධයෙන් කළ යුතු ක්‍රියාමාර්ග සහ බුද්ධි අංශ දියුණු කිරීම ආදී කරුණු ගැන උපාය මාර්ගික සැලැස්මක් 2030 ඉලක්ක කරමින් සැකසීම ද ජනාධිපතිවරයා විසින් මෙම කමිටුව වෙත භාර දී ඇත.
ASK
