කොළඹ LNW: තැපැල් සේවය අත්‍යවශ්‍ය සේවාවක් බවට පත්කරමින් ගැසට් නිවේදනයක් නිකුත් කිරීමට අවශ්‍ය පියවර ගෙන තිබේ.
එම ගැසට් නිවේදනයට අත්සන් තබා ඇති බවයි අමාත්‍ය බන්දුල ගුණවර්ධන මහතා මාධ්‍ය වෙත අදහස් දක්වමින් පැවසුවේ.
ඊයේ මධ්‍යම රාත්‍රියේ සිට ශ්‍රී ලංකා තැපෑල පැය 48ක සංකේතාත්මක වැඩ වර්ජනයක් ක්‍රියාත්මක කර තිබේ.
ඒකාබද්ධ තැපැල් වෘත්තීය සමිති පෙරමුණේ සම කැඳවුම්කරු චින්තක බණ්ඩාර මහතා පැවසුවේ ආණ්ඩුව විසින් නුවරඑලියෂ නුවර තැපැල් කාර්යාල විකිණීමට ගෙන ඇති තීරණයට විරෝධය පළකරමින් මෙම වැඩවර්ජනය ක්‍රියාත්මක කරන බවයි.
පුරාවිද්‍යා වටිනාකම් සහිත මෙම ගොඩනැගිලි නැරඹීමට සංචාරකයින් පවා පැමිණෙන අතර ආණ්ඩුවේ මෙම තීරණය නැවත හරවන්නේ නැත්නම් අඛණ්ඩ වැඩ වර්ජනයක් දක්වාම වෘත්තීය සමිති ක්‍රියාමාර්ග වලට යොමුවන බවයි බණ්ඩාර මහතා පැවසුවේ.
මේ අතර ආණ්ඩුව විසින් කොළඹ මහ තැපැල් කාර්යාලය විකිණීමට ද පිඹුරුපත් සකස් කර තිබෙන බවයි ඔහු සඳහන් කළේ.
ASK
