ශ්‍රී ලංකා පොදුජන පෙරමුණ ආරම්භ කර තිබුණු “මහින්ද සමග නැගිටිමු” රැස්වීම් මාලාව තාවකාලිකව අත්හිටුවා ඇති බව වාර්තා වේ.
රටේ පවතින තත්වය අනුව දේශපාලන රැස්වීම් පැවැත්වීම එතරම් සුදුසු නොවන බව එම පක්ෂයේ මැති ඇමතිවරුන් පිරිසක් විසින් අවධාරණය කිරීමෙන් අනතුරුව මෙසේ එම රැස්වීම් මාලාව තාවකාලිකව නවත්වා ඇති බව සඳහන්.
එම මැති ඇමතිවරුන් පෙන්වා දී ඇත්තේ මුලින්ම පාක්ෂිකයින් පිළිබඳ සොයාබලා, පක්ෂය ප්‍රතිසංවිධානය කර, ඉන් අනතුරුව රැස්වීම් පැවැත්වීම වඩාත් සුදුසු බවය.
“මහින්ද සමග නැගිටිමු” රැස්වීම් මාලාව කළුතරින් ආරම්භ කෙරුණු අතර නාවලපිටිය සහ පුත්තලම යන ප්‍රදේශවල ද මහින්ද රාජපක්ෂ මහතාගේ ප්‍රධානත්වයෙන් එම රැස්වීම් පැවැත්විණි.
RN
