සටහන – නිශ්මං රණසිංහ
නොවැම්බර් 13,(LNW) කොළඹ :
බහරේන් හී මැනාමා හී පැවත්වෙන බහරේන් ජාත්‍යන්තර බැඩිමින්ටන් තරගාවලියේ දී ශ්‍රී ලංකාව නියෝජනය කරන රශ්මි මුදලිගේ සුදුසුකම් ලැබීමේ වටයේ ජයග්‍රහණ දෙකක් සමඟ අද ආරම්භවන ප්‍රධාන තරගාවලිය නියෝජනයට සුදුසුකම් ලබා ගත්තාය.රශ්මි විසින් මේරියම් අල්කාබාස් ලකුණු 21 – 0 සහ 21 -2 ක් ලෙස පරාජය කළ අතර ඉනික්බිතිව දුර්රා අල්කාබාස් 21-1 සහ 21 – 0 ක් ලෙස ද පහසුවෙන් පරාජය කළාය.
මේ තරගාවලිය නියෝජනය කරන කාන්තා ක්‍රීඩිකාවන් අතර අංක දෙකට ශ්‍රේණිගතව සිටින්නී රනිත්මා ලියනගේ ය.පෝලන්ත ක්‍රීඩිකාවක් වන වික්ටෝරියා ඩබ්ක්ෂින්ස්කා මෙම තරගාවලියට එකතු වන ක්‍රීඩිකාවන් අතර අංක එක දරන්නීය.
පිරිමි තරග අංශයෙන් ක්‍රීඩකයින් තිදෙනෙක් තරග බිමට පිවිසෙන අතර ආශිංසන හේරත්,තිළින රාජකරුණා සහ රෙෂාන් දිඹුක්කුවෙලගේ එම ක්‍රීඩකයින් තිදෙනායි.
