කොළඹ LNW: හෙට (14) දින පැවැත්වීමට නියමිත 2024 මහ මැතිවරණයට අදාළව පූර්ව කටයුතු සිදුකිරීම මේ ක්‍රියාත්මක බව මැතිවරණ කොමිසම පවසයි.
ජන්ද මධ්‍යස්ථානවලට අවශ්‍ය ජන්ද පෙට්ටි ඇතුළු ලිපි ලේඛන මෙන ඊට අවශ්‍ය දේවල නිකුත් කිරීම මෙන්ම රාජකාරී සඳහා පිරිස් යෙදවීමද ආරම්භ කර තිබෙන බවයි මැතිවරණ කොමිසම සඳහන් කරන්නේ.
මැතිවරණ කොමසාරිස් ජනරාල් සමන් ශ්‍රී රත්නායක මහතා පවසන්නේ ඡන්ද මධ්‍යස්ථාන 13,314 සඳහා යොමු කළ යුතු සියලූම නිලධාරීන් සහ ඡන්ද පෙට්ටි, ඡන්ද පත්‍රිකා සහ අනෙකුත් සියලුම ලිපිද්‍රව්‍ය නිකුත් කිරීම අද දිනයේ දී දිවයිනේ පිහිටි පරිශ්‍ර 49ක දී සිදුකෙරෙන බවයි.
මැතිවරණ කොට්ඨාස 22ට අදාළව දිස්ත්‍රික් ලේකම් කාර්යාල 25ක දී මෙම නිකුත් කිරීමේ කටයුතු සිදුකරනු ලබන අතර අද උදේ 07.00 සිට එම කටයුතු ආරම්භ කර තිබෙන බවත් සියලුම ඡන්ද මධ්‍යස්ථානවල වැඩකරන කාර්ය මණ්ඩල සඳහා පෙරහුරුවක් සිදුකරන බවත් රත්නායක මහතා කියාසිටියි.
මේ අතර ආරක්ෂක කටයුතු සඳහා දිවයිනේ මුළු ඡන්ද කොට්ඨාසවල පිහිටා ඇති ඡන්ද මධ්‍යස්ථාන සියල්ල ආවරණය වන පරිදි පොලිස් නිලධාරීන් 64,000ක් පමණ පිරිසක් යෙදවීමට ද පියවර ගෙන තිබේ.
ආශිකා බ්‍රාහ්මණ
