රෂිකා හෙන්නායක නොවැම්බර් 16, කොළඹ LNW :
හෙට (17) දිනයේදී රජයේ වෛද්ය නිලධාරීන්ගේ සංගමය විසින් වෘත්තිය සමිති ක්රියාමාර්ගයකට එළැඹීමට තීරණය කර ඇති බව වාර්තා වේ.
ඔවුන් මෙම වෘත්තිය සමිති ක්රියාමාර්ගයට එළැඹීමට තීරණය කර ඇත්තේ, 2026 වසරට අදාළව ජනාධිපතිවරයා විසින් ඉදිරිපත් කර ඇති අයවැය තුළින් සෞඛ්ය සේවාවේ සහ වෛද්යවරුන්ගේ ගැටළු නිසියාකාරව විසඳීමට අපොහොසත් වීමට විරෝධය පළ කරමින් බව සඳහන් වේ.මේ සම්බන්ධව රජයේ පාර්ශ්වයන් දැනුවත් කළ බවත් මීට සාධනීය ප්රතිචාරයක් නොලැබුණු බැවින් මෙම වෘත්තිය සමිති ක්රියාමාර්ගයට එළැඹීමට සිය සංගමය පියවර ගත් බව, එම සංගමය පැවසුවේය .
එම සංගමයේ ලේකම් වෛද්ය ප්රභාත් සුගතදාස මහතා පැවසුවේ, හෙට සිට උදෑසන 8 සිට දිවයින පුරා පිහිටි රෝහල්වල මෙම වෘත්තිය සමිති ක්රියාමාර්ගය ආරම්භ කරන බවයි.
