නව රජයේ ආරක්ෂක අමාත්යාංශය සහ මුදල් අමාත්යාංශය තවදුරටත් ජනාධිපති අනුර කුමාර දිසානායක මහතා යටතේම පවතිනු ඇති බව ආරංචිමාර්ග පවසයි.
මුදල් නියෝජ්ය අමාත්යවරයා වශයෙන් මහාචාර්ය අනිල් ජයන්ත මහතා පත්කෙරෙනු ඇති බව සඳහන්. අනිල් ජයන්ත මහතා ජාතික ජන බලවේගයේ ආර්ථික කවුන්සිලයේ ප්රධානියා වන අතර ඔහු පසුගිය සමයේ ජනාධිපති අනුර කුමාර දිසානායක ආර්ථික කටයුතු පිළිබඳ ජ්යේෂ්ඨ උපදේශකවරයකු වශයෙන් ද කටයුතු කළේය.
මේ අතර, වත්මන් ජාතික ජන බලවේග පාර්ලිමේන්තු කණ්ඩායමේ සිටින වසර 24ක පාර්ලිමේන්තු අත්දැකීම් ඇති එකම මන්ත්රීවරයා මෙන්ම මෙරට මැතිවරණ ඉතිහාසයේ වැඩිම මනාප ප්රමාණය වන 716,715ක් දිනාගනිමින් වාර්තාවක් ද පිහිටවූ විජිත හේරත් මහතාට අගමැති ධුරය ලබාදිය යුතු බවට යෝජනාවක් ද පක්ෂය තුළින් පැමිණ ඇති බවත් වාර්තා විය.
කෙසේවෙතත් දැනටමත් අගමැති ධුරය හරිනි අමරසූරිය මහත්මියටම ලබාදීමට තීරණය කර ඇති නිසා විජිත හේරත් මහතාට මහජන ආරක්ෂක අමාත්යාංශය, වරාය හා සිවිල් ගුවන් සේවා අමාත්යාංශය ඇතුළු ප්රබල අමාත්යාංශ කිහිපයක්ම ලබාදීමට කටයුතු කෙරෙනු ඇති බවත් ආරංචිමාර්ග සඳහන් කළේය.
