රෂිකා හෙන්නායක නොවැම්බර් 18, ලෝකය (අවුට්බවුන්ඩ් ටුඩේ):
ඉන්දියාවේ මනිපූර් ප්‍රදේශයේ යළිත් වාර්ගික ගැටුම් ඇතිව තිබෙන බව NDTV මාධ්‍ය වාර්තා කරයි. ඒ මළ සිරුරු 6ක් සොයාගැනීමෙන් පසුව බව පැවසේ.
එරට මාධ්‍ය වාර්තා කරන්නේ, බහුතරයක් මෙයිටි ප්‍රජාවට අයත් පිරිස් ජීවත් වන මෙම ප්‍රදේශයේ කාන්තාවන් හා ළමයින් හය දෙනෙකුගේ සිරුරු බලධාරීන් විසින් සොයා ගෙන තිබෙන බවයි.මේ වනවිට ඉන්දියාවේ ඊසානදිග මනිපූර් ප්‍රාන්තයේ ආරක්ෂාව තර කර තිබෙන අතර, සුළුතර කුකී කණ්ඩායමේ පුද්ගලයින් විසින් ඔවුන් පැහැරගෙන ගිය බවට මෙයිටි කණ්ඩායම් චෝදනා කරයි.කෙසේ වෙතත් පොලිසිය මෙය තහවුරු කර නොමැති බව සඳහන් වේ.
මෙම ජනවාර්ගික කණ්ඩායම් දෙක අතර පසුගිය මැයි මාසයේ සිට ගැටුම් හටගෙන ඇති අතර 200 කට ආසන්න පිරිසක් මිය ගොස් දහස් ගණනක් අවතැන්ව සිටින බව වැඩිදුරටත් එරට මාධ්‍ය වාර්තා කරයි.
