- වැට් බද්දෙන් ආදායම් උත්පාදනය සහ වැට් බද්දේ කාර්යක්ෂමතාවය ඉහළ නැංවීම සඳහා දැනට වැට් බද්දෙන් නිදහස් කර ඇති භාණ්ඩ 137 න් 87 ක් වැට් බද්දට ඇතුළත් කිරීමට ප්‍රතිපත්තිමය තීරණයක් ගෙන ඇති බව මුදල් අමාත්‍යාංශය පවසයි: ජාත්‍යන්තර මූල්‍ය අරමුදල සමඟ ඇති කර ගත් ගිවිසුමට අනුව මෙම නව බදු පැනවීම 2023 දෙසැම්බර් 01 වන දින සිට ක්‍රියාත්මක වේ.
- තමා සැමවිටම ජනතාව වෙනුවෙන් පෙනී සිටින බව හිටපු ජනාධිපති මහින්ද රාජපක්ෂ පවසයි: ඉකුත් දින ලබා දුන් ශ්‍රේෂ්ඨාධිකරණ තීන්දුව සම්බන්ධයෙන් පැහැදිලි කිරීම් සිදුකිරීමට ඉදිරියේදී කාලයක් උදාවනු ඇති බව ද පවසයි.
- බලශක්ති අමාත්‍ය කංචන විජේසේකර ජාත්‍යන්තර පරමාණුක බලශක්ති නියෝජිතායතනයේ (IAEA) නිලධාරීන් හමුවෙයි: දිගුකාලීන ජනන සැලසුම්වල කොටසක් ලෙස න්‍යෂ්ටික බලශක්ති භාවිතය ඇතුළත් කිරීමට රජය අපේක්ෂා කරන බව පවසයි: න්‍යෂ්ටික බලාගාර පිහිටුවීම සඳහා රජය අභිලාෂය ප්‍රකාශ කිරීමේ ලිපි (EOI) කැඳවන බව ද පවසයි: මීට ඉහත අවස්ථාවක, රුසියාව, එක්සත් ජනපදය, ඉන්දියාව සහ ඇතැම් යුරෝපීය රටවලින් න්‍යෂ්ටික බලාගාර සඳහා වූ පිරිනැමීම් පිළිබඳ රජය තක්සේරු කරන බව අමාත්‍යවරයා පවසා සිටියේය.
- ඇ.ඩො. බිලියන 4.2 ක් වූ චීන ණය ගනුදෙනුවක කොන්දේසි රජය විසින් අනෙකුත් ණය හිමියන් සමඟ බෙදාගෙන ඇති බව මහ බැංකු අධිපති නන්දලාල් වීරසිංහ පවසයි: ජපානය, ඉන්දියාව සහ පැරිස් සමාජය විසින් නායකත්වය දෙන නිල ණයහිමියන්ගේ කමිටුව විසින් ශ්රී ලංකා ණය ප්‍රතිව්‍යූහගත කිරීම සඳහා දැන් ගිවිසුමක් යෝජනා කරනු ඇතැයි අපේක්ෂා කරයි: ඇ.ඩො. මිලියන 330 ක මීළඟ වාරිකය අනුමත කිරීමට ජාත්‍යන්තර මූල්‍ය අරමුදලට ඉඩ සැලසෙනු ඇතැයි ද අපේක්ෂා කරයි.
- සිංහල සහ දෙමළ භාෂාවලින් ඔබ්බට භාෂා දැනුම පුළුල් කිරීමේ වැදගත්කම ජනාධිපති රනිල් වික්රමසිංහ අවධාරණය කරයි: 2030 වන විට දිවයින පුරා සියලුම පාසල් සහ විශ්ව විද්‍යාලවල “සැමට ඉංග්‍රීසි” වැඩසටහන ක්‍රියාත්මක කරන බව නිවේදනය කරයි.
- ඉදිරි වසර තුළ රජයේ සේවක වැටුප් ඉහළ දැමීමට රජයට හැකි වූව ද, ජාත්‍යන්තර මූල්‍ය අරමුදල විසින් නියම කර ඇති ආදායම් ඉලක්කවලට වඩා ශ්රී ලංකාව දිගින් දිගටම පිටුපසින් සිටින බැවින් බදු සහන ලබාදීමට නොහැකි බව භාණ්ඩාගාර ලේකම් මහින්ද සිරිවර්ධන පවසයි: රජය දේශීය ණය ප්‍රතිව්‍යූහගත කිරීමේ ක්‍රියාවලියක යෙදී සිටින බැවින් ස්ථාවරත්වය සහ ආරක්‍ෂාව සුරක්ෂිත කිරීම සඳහා රාජ්‍ය බැංකු ප්‍රතිප්‍රාග්ධනය කිරීම සඳහා රු. බිලියන 450 ක් වෙන් කිරීමට රජය තීරණය කර ඇති බව ද පවසයි.
- රට පුරා පාසල් ගොඩනැගිලි 74ක් අනාරක්ෂිත ලෙස පිහිටා ඇති බවට හඳුනාගෙන ඇති අතර, ඒවා සිසුන්ගේ ආරක්ෂාවට තර්ජනයක් විය හැකි බවට අධ්‍යාපන අමාත්‍ය සුසිල් ප්‍රේමජයන්ත අනතුරු අඟවයි: කිසියම් ගොඩනැඟිල්ලක් අනාරක්ෂිත බව දුටුවහොත් පාසල් සිසුන් ගොඩනැගිලිවලින් ඉවත් කරන ලෙස සියලුම විදුහල්පතිවරුන්ට දැනුම් දී ඇති බව ද පවසයි.
- ශ්රී ලංකාවට ලැබෙන ඇණවුම් අඩුවීම සහ පිරිවැය වැඩිවීම හේතුවෙන් ඇඟලුම් කර්මාන්තයේ ආදායම හතරෙන් එකකින් (25%) පහත වැටී ඇති බව ඇඟලුම් කර්මාන්ත සංගමයේ සභාපති ධම්මික ප්‍රනාන්දු පවසයි.
- පාස්ටර් ජෙරෝම් ප්‍රනාන්දු නැමැත්තා කටුනායක ගුවන්තොටුපළ වෙත පැමිණි පසු අත්අඩංගුවට නොගන්නා ලෙස අභියාචනාධිකරණය අපරාධ පරීක්ෂණ දෙපාර්තමේන්තුවට නියෝග කරයි: තමා පැමිණ පැය 48ක් ඇතුළත අපරාධ පරීක්ෂණ දෙපාර්තමේන්තුවේ සයිබර් අපරාධ විමර්ශන කොට්ඨාශය වෙත ප්‍රකාශයක් ලබා දිය යුතු බවට ජෙරෝම් ප්‍රනාන්දුට නියෝග කරයි.
- ශ්රී ලංකාවේ ක්රිකට් ක‍්‍රීඩාවේ මතුව ඇති කණගාටුදායක තත්ත්වය පිළිබඳව ජනාධිපති රනිල් වික්රමසිංහ ආසියානු ක්රිකට් කවුන්සිලයේ සභාපති ජේ ෂා සමඟ සාකච්ඡා කළ බව බලශක්ති අමාත්‍ය කංචන විජේසේකර පවසයි: ඔහු මේ බව ප්‍රකාශ කළේ, ජේ ෂාගේ පියා ඉන්දීය අග්‍රාමාත්‍ය නරේන්ද්‍ර මෝදිගේ දකුණු අත බව විපක්ෂ නායක සජිත් ප්‍රේමදාස විසින් සිදුකළ ප්‍රකාශයට පිළිතුරු දෙමිනි.
