සටහන – නිපුනි ලියනගේ
කොළඹ (LNW): විදුලිබල හා බලශක්ති අමාත්‍යාංශයේදී ජාත්‍යන්තර පරමාණුක බලශක්ති නියෝජිතායතනයේ නිලධාරීන් සහ බලශක්ති අමාත්‍යවරයා අතර හමුවක් පැවැත්විණි.
න්‍යෂ්ටික බලශක්ති ඒකාබද්ධ කිරීම සඳහා ශක්තිමත් නීතිමය රාමුවක් ව්‍යුහගත කිරීම, එය ආරක්ෂිතව භාවිතා කිරීම, අපද්‍රව්‍ය බැහැර කිරීම සහ මහජනතාව දැනුවත් කිරීම පිළිබඳ එහිදී සාකච්ඡාවට බඳුන් විය.
දිගුකාලීන ජනන සැලසුම්වල කොටසක් ලෙස න්‍යෂ්ටික බලශක්ති භාවිතය ඇතුළත් කිරීමට රජය අදහස් කරන අතර න්‍යෂ්ටික බලාගාර සහ නවීන තාක්‍ෂණය ස්ථාපිත කිරීම සඳහා EOI කැඳවනු ලැබීය.
විදුලිබල හා බලශක්ති අමාත්‍යාංශ, පරමාණුක බලශක්ති නියාමන සභාව සහ පරමාණුක බලශක්ති මණ්ඩලයේ නිලධාරීන් ඒ සඳහා සහභාගී විය.
දිගුකාලීන ජනන සැලසුම්වල කොටසක් ලෙස න්‍යෂ්ටික බලශක්තිය ආරක්‍ෂිත ලෙස භාවිත කිරීම රජයට ඇතුළත් කිරීමට බලාපොරොත්තු වන බව ” බලශක්ති අමාත්‍ය කංචන විජේසේකර කොළඹ ජාත්‍යන්තර පරමාණුක බලශක්ති නියෝජිතායතනයේ නිලධාරීන් හමුවීමෙන් අනතුරුව X හි සටහනක් තබමින් පැවසුවේය.
Met with the visiting officials of the International Atomic Energy Agency at the Ministry of Power & Energy. Discussed the structuring of a robust legal framework for Nuclear Energy integration, safe use of it, disposing waste & public awareness.
— Kanchana Wijesekera (@kanchana_wij) November 17, 2023
The Govt intends to include the… pic.twitter.com/EEYiYhX1Ey
රුසියාව, ඇමරිකා එක්සත් ජනපදය, ඉන්දියාව ඇතුළු විවිධ රටවලින් සහ යුරෝපීය රටවල් කිහිපයකින් ශ්‍රී ලංකාව න්‍යෂ්ටික බලාගාර කෙරෙහි ඇති උනන්දුව ඇගයීමට ලක් කරමින් සිටින බව ඔහු පැවසීය.
ජාත්‍යන්තර පරමාණුක බලශක්ති ඒජන්සිය (IAEA) ශ්‍රී ලංකාවේ න්‍යෂ්ටික බලාගාරයක් ඉදිකිරීමට රුසියාවේ සැලසුම් අධ්‍යයනය කරමින් සිටී.
රුසියානු න්‍යෂ්ටික යෝධ සමාගමක් වන Rosatom සමග ගනුදෙනුවක් පිළිබඳ ඉදිරිපත් කල ප්‍රකාශ ප්‍රතික්ෂේප කළ අමාත්‍යවරයා, රටට සුදුසු තාක්‍ෂණය තීරණය කිරීමේ සහ පූර්ව සැලසුම් කිරීමේ අවශ්‍යතාවය අවධාරනය කළේය.
Rosatom ට අමතරව, ඉන්දියාව, යුරෝපීය රටවල් සහ එක්සත් ජනපදය ඇතුළු අනෙකුත් සමාගම් සහ රටවල් ද ශ්‍රී ලංකාවට සුදුසු යැයි සැලකෙන විවිධ න්‍යෂ්ටික බලාගාර තාක්ෂණයන් සමඟ යෝජනා ඉදිරිපත් කර ඇත.
2032 වන විට ශ්‍රී ලංකාවේ පළමු න්‍යෂ්ටික බලාගාරය ඉදිකිරීම සම්බන්ධයෙන් කිසිදු සමාගමක් හෝ රටක් සමඟ එකඟතාවකට පැමිණ නොමැති බව විජේසේකර අමාත්‍යවරයා පැහැදිලි කළේය.
