කොළඹ LNW: දකුණු මුුහුදු තීරයේදී අත්අඩංගුවට ගෙන ඊයේ (20) දින තංගල්ල ධීවර වරායට ගෙනා බහුදින ධීවර යාත්රාවේ තිබුණු අයිස් සහ හෙරොයින් මත්ද්රව්ය තොගයට අදාළව අත්අඩංගුවට ගෙන සිටින සමගි ජන බලවේගයේ ප්රාදේශීය සභා අපේක්ෂකයාගේ පක්ෂ සාමාජිකත්වය අහෝසි කිරීමට කටයතු කර තිබෙන බව පක්ෂ නායක සජිත් ප්රේමදාස මහතා සිය X ගිණුමේ සටහනක් තබමින් ඒ බව ප්රකාශ කර ඇත.
අදාළ සිද්ධිය සම්බන්ධයෙන් තවදුරටත් අදාළ ක්රියාමාර්ග ගැනීම සඳහා වෙනම පරීක්ෂණයක් ආරම්භ කිරීමට ද පක්ෂය කටයුතු කර ඇති බවයි සජිත් ප්රේමදාස මහතා සඳහන් කරන්නේ.
ශ්රී ලංකා නාවික හමුදාව විසින් අදාළ බහුදින ධීවර යාත්රාව සහ එහි සිටි ධීවරයින් 6දෙනා ඊයේ පස්වරුවේ තංගල්ල ධීවර වරාය වෙත රැගෙන එනු ලැබූ අතර
ආරක්ෂක අංශ වෙත ලද තොරතුරකට අනුව ශ්රී ලංකා නාවික හමුදාව සහ පොලිස් මත්ද්රව්ය නාශක කාර්යාංශය විසින් සිදුකළ ඒකාබද්ධ මෙහෙයුමකින් මෙම ධීවර යාත්රාව හා සැකකරුවන් අත්අඩංගුවට ගෙන තිබුණි.
එම යාත්රවේ තිබී මලු පහක පැකට් සියයක අසුරා තිබූ හෙරොයින් කිලෝග්රෑම් 115කට වැඩි ප්රමාණයක් සහ මලු 13ක පැකට් 200ක අසුරා තිබූ අයිස් මත්ද්රව්ය කිලෝ 261කට අධික ප්රමාණයක් සොයාගෙන ඇති අතර රිවෝල් වරයක්, පිස්තෝලයක් හා මැගසින් දෙකක් ද මත් ද්රව්ය අතර තිබී සොයා ගෙන තිබේ.
ආශිකා බ්රාහ්මණ
