සටහන – රෂිකා හෙන්නායක
කොළඹ (LNW): ක්‍රීඩා අරමුදල සවිමත් කිරීම උදෙසා ශ්‍රී ලංකා වොලිබෝල් සංගමයේ සභාපති කංචන ජයරත්න මහතා විසින් ක්‍රීඩා හා යෞවන කටයුතු අමාත්‍ය රොෂාන් රණසිංහ මහතා වෙත රුපියල්. 250,000.00 ක මුල්‍ය පරිත්‍යාගයක් ක්‍රීඩා හා යෞවන කටයුතු අමාත්‍යාංශයේදී ඊයේ දින (21) සිදු කරන ලදි.
මීට පෙරද රුපියල් 250000.00 මුදලක් පරිත්‍යාග කර ඇති අතර ඒ අනුව මේ වන විට ශ්‍රී ලංකා වොලිබෝල් සම්මේලනය විසින් ක්‍රීඩා සංවර්ධන අරමුදල වෙනුවෙන් රුපියල් 500,000.00ක ( ලක්ෂ 5 ක ) මුදලක් පරිත්‍යාග කර තිබේ.
මෙම අවස්ථාවට ක්‍රීඩා හා යෞවන කටයුතු අමාත්‍යාංශයේ ලේකම් කේ. මහේෂන් මහතා, ශ්‍රී ලංකා වොලිබෝල් සම්මේලනයේ ප්‍රධාන ලේකම් ඒ. එස්. නාලක මහතා, විධායක කමිටු සාමාජික රමණී කුලතිලක මහත්මිය යන අය සහභාගී විය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
