Wednesday, November 30, 2022
spot_img

Latest Posts

ත්‍රස්ත පනත යටතේ රඳවාගෙන සිටි ගල්වැව සිරිධම්ම හිමියන්ට ඇප

ත්‍රස්තවාදය වැළැක්වීමේ පනත යටතේ අත් අඩංගුවට ගෙන රඳවාගෙන සිටි අන්තර් විශ්ව විද්‍යාලයීය ශිෂ්‍ය බලමණ්ඩලයේ ක්‍රියාකාරිකයකු වන ගල්වැව සිරිධම්ම හිමියන්ට ඇප නියම කර ඇති බව වාර්තා වේ.

කොළඹ මහේස්ත්‍රාත් අධිකරණය හමුවේ අද (23) කැඳවූ මෝසමකින් අනතුරුව මෙසේ එහිමියන්ට ඇප නියම කර ඇති බව සඳහන්.

ඒ අනුව රුපියල් ලක්ෂ 5 බැගින් වූ ශරීර ඇප දෙකක් මත එහිමියන්ව මුදා හැරීමට නියම කළ අතිරේක මහේස්ත්‍රාත්වරිය එහිමියන්ට එරෙහිව විදෙස් ගමන් තහනමක් ද පැනවූ අතර සෑම මසකම අවසන් ඉරුදින ත්‍රස්ත මර්දන කාර්යාංශයට වාර්තා කළ යුතු බවටත් ඇප කොන්දේසියක් ද පනවනු ලැබීය.

පසුගිය දිනවල පැවති දේශපාලන අරගලයට අදාළ සිදුවීම් සම්බන්ධයෙන් සිරිධම්ම හිමි ඇතුළු තිදෙනෙකු ත්‍රස්තවාදය වැළැක්වීමේ පනත යටතේ අත් අඩංගුවට ගැනුණු අතර එයින් එක් ශි‍ෂ්‍යයකු මීට පෙරම නිදහස් කරන ලදී. අන්තර් විශ්ව විද්‍යාලයීය ශිෂ්‍ය බලමණ්ඩලයේ කැඳවුම්කරු වසන්ත මුදලිගේ තවමත් බන්ධනාගාරගත කර සිටී.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.