යෝජිත එකතු කළ අගය මත බද්ද (VAT) 18% දක්වා වැඩ්කිරීම ඉන්ධන සඳහා අදාළ වන නමුත් ඩීසල් සහ භූමිතෙල් සඳහා එයින් බලපෑමක් ඇති නොවන පරිදි කටයුතු කරන බව විදුලිබල හා බලශක්ති අමාත්ය කංචන විජේසේකර මහතා පවසයි.
වැට් බදු වැඩිකිරීමට අදාළ යෝජනාව ලබන 10 වනදා පාර්ලිමේන්තුවේදී සාකච්ඡාවට ගැනීමට නියමිත බව සඳහන් කළ අමාත්යවරයා කෙසේවෙතත් ඉන්ධන මත දැනටමත් අය කෙරෙන අනෙකුත් බදු වර්ග කිහිපයක් තුලනය කරමින් ඩීසල් හා භූමිතෙල් මිලට වැට් බදු වැඩිවීමෙහි බලපෑමක් නොවන ආකාරයෙන් වැඩපිළිවෙලක් සකස් කිරීමට කැබිනට් මණ්ඩලයේද අවධානය යොමුව ඇති බවයි සඳහන් කළේ.
අමාත්ය කංචන විජේසේකර මහතා මේ බව පැවසුවේ ඊයේ (24) පාර්ලිමේන්තුවේදී අයවැය විවාදයට එක්වෙමිනි.
RN
