සටහන – රුවන් නෙළුගොල්ල
මහනුවර – නුවරඑළිය ප්‍රධාන මාර්ගය ගැරඬිඇල්ල ප්‍රදේශයෙන් අද (26) පස්වරුවේ සිට තාවකාලිකව වසාදමා තිබේ.
මාර්ගයට ගල් පර්වත කිහිපයක් කඩාවැටීමේ අවදානමක් හේතුවෙන් මෙම පියවර ගත් බවයි කොත්මලේ පොලීසිය සඳහන් කරන්නේ.
දැනටමත් ගල් කොටස් කිහිපයක් ගැලවී මාර්ගයට ඉහළින් රැඳී ඇති අතර, වාර්ෂාවත් සමග එම කොටස් මාර්ගයට වැටීමේ අවදානමක් පවතී.
ඒ අනුව නුවරඑළියට පිවිසෙන රථ වාහන ඒ සඳහා විකල්ප මාර්ග භාවිතාකරන ලෙස කොත්මලේ පොලීසිය ඉල්ලා සිටී.
