ජනාධිපති රනිල් වික්‍රමසිංහ මහතා ඇතැම් මාධ්‍ය ආයතන බියවැද්දීම සඳහා බොරුවට හිතලු කතා කියමින් සිටින බව සමගි ජන බලවේගයේ පාර්ලිමේන්තු මන්ත්‍රී එස්. එම්. මරික්කාර් මහතා පවසයි.
“දැන් එතුමා මේ මාධ්‍ය ආයතනවලට තර්ජනය කරනවා. කොමිෂන් දානවා ලු. ඉතින් ඕනෙ කොමිසමක් දාන්න. මාධ්‍ය ආයතනයක් නෙවෙයි කවුරුහරි වැරැද්දක් කරලා නම් දඬුවම් දෙන්න. හැබැයි නිකම් බොරුවට බය කරන්න ලෑස්ති වෙන්න එපා. එහෙම බැලුවා නම් එහෙම අපි දැක්කානෙ, කලින් ආණ්ඩුවෙ ඉන්න කාලෙ මාධ්‍ය ආයතන දෙකක් මුසාවෙන්, මුලාවෙන්, ප්‍රෝඩාවෙන් ඒ ආණ්ඩුවට විරුද්ධව මිනිස්සුන්ව පෙළගස්වනකොට මොකුත් කරන්න බැරිවුණා අගමැති කාලෙ. ඒකාලෙ එහෙම කළා නම් අද මොකුත් නෑනෙ. ඒ නිසා දැන් මේ නිකම් හිතලු කියනවා පොහොට්ටුවෙ ඉන්න මන්ත්‍රීලාව චූන් කරන්න”
එස්. එම්. මරික්කාර් මහතා මේ බව පැවසුවේ කොළඹ, විපක්ෂ නායක කාර්යාලයේ පැවති මාධ්‍ය හමුවක් අමතමිනි.
RN
