කොළඹ LNW:මේ වන විට රට තුළ පවතින අධික වර්ෂා සහිත කාලගුණය හේතුවෙන් ගතවූ දින 10ක කාලය තුළ ආපදා මරණ 31ක් සිදුව ඇතැයි ආපදා කළමනාකරණ මධ්‍යස්ථානය පවසයි.
එම මරණ වාර්තා වී ඇත්තේ ඌව පළාතෙන් පුද්ගල මරණ ඌව පළාතෙන් 18ක්, සබරගමුව පළාතෙන් 7ක්, මධ්‍යම පළාතෙන් 4ක්, දකුණු පළාතෙන් සහ වයඹ පළාතෙන් පුද්ගල මරණ එක බැගිනි.
දිස්ත්‍රික්ක 17ක ප්‍රාදේශීය ලේකම් කොට්ඨාස 79ක් ආපදාවට ලක්ව තිබෙන අතර සිදුවු ආපදා හේතුවෙන් පුද්ගලයින් 10 දෙනෙකු මේ වනවිට තුවාල ලබා ඇති අතර, පවුල් 41කට අයත් පුද්ගලයින් 131ක් සුරක්ෂිත මධ්‍යස්ථාන 5ක තාවකාලිකව නවතා ඇති බව ආපදා කළමනාකරණ මධ්‍යස්ථානය තවදුරටත් සඳහන් කරයි.
එම ප්‍රදේශවල පවුල් 1,158කට අයත් පුද්ගලයින් 4,008ක් ආපදාවට ලක්ව ඇති අතර, තවමත් පුද්ගලයින් 14 දෙනෙකු අතුරුදන්ව ඇතැයි ද ආපදා කළමනාකරණ මධ්‍යස්ථානය නිවේදනය කරයි.
මේ අතර පොළොන්නරුව මඩකලපුව ප්‍රධාන මාර්ගයේ ගමන් ගන්නා සියලුම රථවාහන සඳහා ගමනාගමනය අද (27) දින සිට නැවතදැනුම් දෙන තුරු සම්පූර්ණයෙන් වසා තැබීමට කටයුතු කර ඇත.
අයහපත් කාලගුණික තත්ත්වයත් සමඟ එම මාර්ගය මනම්පිටිය ගල්ලෑල්ල ප්‍රදේශය ජලයෙන් යටවීම හේතුවෙන් ගමනා ගමනය තාවකාලිකව නවතා දැමීමට සිදුව තිබේ.
කොළඹ – නුවර මාර්ගයද ඊයේ රාත්‍රියේ සිට වස දමා තිබේ.
මහ්ද්යම පළාතේ මාර්ග රැසක් අවධානම් තත්ත්වයට පත්ව ඇති හෙයින් පවතින කාලගුණ තත්ත්වය සමඟ දැඩි විමසිල්ලෙන් පසුවන ලෙස අදාළ අංශ විසින් මහජනතාව දැනුවත් කර ඇත.
ආශිකා බ්‍රාහ්මණ
