පාසල් සිසුන් පිරිසකට ඔවුන් සිය දිවා ආහාරය ඔතාගෙන පැමිණි පොලිතීන් කොළ සහ පත්තර කොළ කැවූ විදුහල්පතිවරයා රක්ෂිත බන්ධනාගාරගත කර තිබේ.
මෙම සිද්ධිය සිදුව තිබුණේ නාවලපිටිය, රඹුක්පිටිය මධ්ය මහා විද්යාලයේදී ය. එහිදී සිසුන් පස් දෙනෙකුට මෙසේ පොලිතීන් සහ පත්තර කොළ කවමින් අමානුෂික ලෙස වධහිංසා පැමිණවීමට එහි විදුහල්පතිවරයා කටයුතු කළ බවට පැමිණිලි ලැබී ඇත. එයින් සිසුන් දෙදෙනෙකු උදරාබාධ හේතුවෙන් රෝහල්ගත කිරීමට ද දෙමව්පියන්ට සිදුව තිබිණි.
පොලිසිය විසින් මෙම විදුහල්පතිවර්යාව පෙරේදා (28) දිනයේදී අත් අඩංගුවට ගෙන ඊයේ (29) දිනයේදී නාවලපිටිය මහේස්ත්රාත් නිලන්ත විමලවීර මහතා හමුවට ඉදිරිපත් කර තිබුණු අතර එහිදී මහේස්ත්රාත්වරයා නියෝග කර තිබුණේ සැකකාර විදුහල්පතිවරයාව ලබන මස 04 වනදා දක්වා රක්ෂිත බන්ධනාගාරගත කිරීමටයි.
මෙසේ රක්ෂිත බන්ධනාගාරගත කර ඇත්තේ නාවලපිටිය ප්රදේශයේ පදිංචි 47 හැවිරිදි විදුහල්පතිවරයෙකි.
RN
