ආශිකා බ්‍රාහ්මණ
කොළඹ LNW:අයහපත් කාලගුණික තත්ත්වය මත ඇති වූ ආපදාවන් සම්බන්ධයෙන් ආණ්ඩුව වහකිම භාර ගත යුතු බවත් ආණ්ඩුවට එරෙහිව අපරාධ නඩු පවරන බවත් සමඟි ජන බලවේගයේ පාර්ලිමේන්තු මන්ත්‍රී එස්.එම්. මරික්කාර් පැවසුවේය.
පූර්ව අනතුරු ඇඟවීම් සිදුකර් තිබියදී පූර්ව සූදානම් නොකිරීම මත සිදුවූ සෑම මරණයකම වගකීම ආණ්ඩුව ගත යුතු බවයි මන්ත්‍රීවරයා සඳහන් කළේ.
”අද අපි පාර්ලිමේන්තුවේදීත් බලාපොරොත්තු වුණේ මේ නින්දෙන් ඔවුන්ව ඇහැරවන්න. මොකද මේක පාස්කු ඉරිදා ප්‍රහාරය තරම්ම අමනුෂිකයි. මේ රට බංකොලොත් කිරීම පිළිබඳව රාජපක්ෂලාට අධිකරණයේ නඩු දැම්මා වගේම අපි වර්තමාන ආණ්ඩුවට අපරාධ නඩුවක් යොමුකරන්න බලාපොරොත්තු වෙනවා. මොකද මේ මැරුණ හැම මිනිහෙකුටම හැම පුද්ගලයෙකුටම මේ ආණ්ඩුව වගකිව යුතුයි. මොකද පූර්ව අනතුරු අඟවල තියෙද්දී පූර්ව සූදානම කරන්නේ නැතුව කටයුතු කිරීම පිළිබඳව ඔවුන්ට විරුද්ධව නඩු දාන්න අපි ලෑස්තියි”
මරික්කාර් මන්ත්‍රීවරයා මෙම අදහස් දක්වා සිටියේ අද (01) සමඟි ජන බලවේගයේ මාධ්‍ය හමුවේදීය.
