නත්තලට කියන නත්තලට සම්බන්ධයක් නැති “නත්තල් ගීතිකාවේ” කවුරුත් නොදත් කතාව!

සටහන: පුන්සරා ලියනගේ

දෙසැම්බර් 03, ලෝකය (අවුට්බවුන්ඩ් ටුඩේ): හොහ් හොහ් හෝ!නත්තල අත ළඟයි! හිත පිරෙන ආදරෙයි එක්ක ඔන්න 2024 යන මේ වසරෙත් නත්තල් සමය පටන් ගැනෙන්නේ, කෑම මේසයේ නිමක් නැති දේශපාලන සංවාද පැනීම වෙනුවට, නත්තල් අසිරිය ඔබේ පවුල වෙත ගෙන ඒමටයි.

මේ සමයේ වඩාත්ම ආදරණීය නත්තල් ගීතයක් ලෙස හඳුන්වන “Jingle Bells” හි විස්මිත ඉතිහාසයත් සමඟ අද සටහන දිවෙන්නේ වෙනස්ම මානයක් ඔස්සේ වීම විශේෂයකි.

Jingle bells, jingle bells
Jingle all the way
Oh, what fun it is to ride
In a one-horse open sleigh, hey!
Jingle bells, jingle bells Jingle all the way
Oh what fun it is to ride
In a one-horse open sleigh…

‘Jingle Bells’ ලියා ඇත්තේ ජේම්ස් ලෝඩ් පියර්පොන්ට් විසිනි.
කතුවරයෙක් සහ ඉතිහාසඥයෙකු වන ක්‍රිස්ටෝපර් ක්ලයින්ගේ සොයාගැනීම් වලට අනුව, පියර්පොන්ට්ගේ වැඩිමහල් සොහොයුරිය වන ජුලියට් පියර්පොන්ට් කෝටිපතියෙකු වූ ජූනියස් ස්පෙන්සර් මෝගන් සමඟ විවාහ විය. ඔවුන්ගේ පුත් ජෝන් පියර්පොන්ට් මෝගන් ලොව විශාලතම මූල්‍ය ආයතනයක් ආරම්භ කිරීමට ද කටයුතු කළේය.

අද ‘Jingle Bells’ ගැන ඔබ නොසිතූ කතාවක් අනාවරණය කිරීම කෙරෙහි සැලකීමේ දී මෙම ගීතය කිසි විටෙකත් නත්තල් ගීතයක් වීමට අදහස් නොකළ ගීතයක් යැයි කිව යුතුය.

එම ගීතය ඇත්ත වශයෙන්ම මුලින්ම සිදු කරන ලද්දේ ස්තුති දීමේ පල්ලියේ දේව මෙහෙයකදී වන අතර එය කිසි විටෙකත් නත්තල් සමරු ගීයක් බවට පත් කිරීමට අදහස් නොකළ බව ද වාර්තා වේ. ඔබ පද රචනයට හොඳින් සවන් දෙන්නේ නම්, ඇත්ත වශයෙන්ම නත්තල හෝ ස්තුති දීමේ අවස්ථාවක් වැනි කිසිදු දෙයක් පිළිබඳව එහි සඳහනක් නොමැති බව ඔබට හැඟෙනු ඇත.

මෙම ගීතය නත්තලට සම්බන්ධ වූයේ 1857 සැප්තැම්බර් 15 වන දින බොස්ටන්හි වොෂින්ටන් වීදියේදී එය ගායනා කිරීමෙන් දශක කිහිපයකට පසුව බව බොස්ටන් විශ්ව විද්‍යාලයේ පර්යේෂකයෙකු වන කයිනා හැමිල් ප්‍රකාශ කර තිබේ.

පියර්පොන්ට්ගේ “Jingle Bells” හි උපන් ස්ථානය යැයි පවසන නගර දෙකක ඓතිහාසික ඵලක දෙකක් තිබේ.

මැසචුසෙට්ස් හි මෙඩ්ෆෝර්ඩ් හි සමරු ඵලකය මඟින් පියර්පොන්ට් 1850 දී සාලෙම් වීදියේ ස්ලයිග් රේස් නරඹමින් ආපන ශාලාවක වාඩි වී මෙම ගීතය ලියා ඇති බව පැවසේ. නමුත් ගෝල්ඩ් රෂ් අතරතුර කැලිෆෝනියාවේ මුදල් පසුපස හඹා ගිය නිසා පියර්පොන්ට්ට 1850 දී ගීතය ලිවිය නොහැකි බව හැමිල්ගේ පර්යේෂණයෙන් මෙය විවාදාත්මක විය.

අනෙක් අතට ජෝර්ජියාවේ සවානාහි සමරු ඵලකයක් ද වේ, එහි ප්‍රාදේශීය පල්ලියක පළමු “ජිංගල් බෙල්ස්” ගීතය ගායනා කිරීමට පෙර 1857 අගභාගයේදී පියර්පොන්ට් ගීතය ලිවූ බව ජනතාව විසින් අවධාරණය කර තිබේ.

හැමිල්ට අනුව පියර්පොන්ට් බොහෝ විට ගීතය ලියා ඇත්තේ 1857 දී බොස්ටන් නගරයේ ඔහු ජීවත් වූ ස්ථානයට නුදුරු කාමර සහිත නිවසක බව කියැවේ. කෙසේ වෙතත් මෙම ගීතයේ උප්පත්ති කතා වස්තුවනම් හරියට කිව නොහැකි බවනම් ගම්‍ය වන කරුණකි.

කෙසේ වෙතත්, පියර්පොන්ට්ගේ ජීවිතය පිළිබඳ සමහර ඓතිහාසික තොරතුරු නොයෙකුත් මති මතාන්තර දරයි. පියර්පොන්ට් දකුණට ගැති හැඟීම් සමඟ සම්බන්ධ වූ බවත්, එක් අවස්ථාවක, ඔහු ජෝර්ජියාවේ ජීවත් වූ බවත් එහිදී ඔහුට දකුණේ වහල්-රැඳවුම් සංස්කෘතිය සමඟ සම්බන්ධතා තිබිය හැකි බව ද විවිධ මතයන් පවතී. එකල වහල්භාවය දකුණට කේන්ද්‍රගතව තිබූ හෙයින් ගීතයේ ඓතිහාසික පසුබිම සංකීර්ණ කරන කොන්ෆෙඩරේසියට සහාය දුන් පවුලකට ඔහු සම්බන්ධ වී සිටි බවද පැවසේ.

කෙසේ වෙතත් මෙහි ව්‍යංග්‍යර්ථය තුළින් ගම්‍ය වන්නේ වහල්භාවය ඔප්නැංවෙන බවකි. එහිදී ඔවුන් පලා යන බවට අනතුරු ඇඟවීමක් යැවීමට වහල්ලුන්ට සීනු සහිත කරපටි භාවිතා කිරීම ‘ජිංගල් බෙල්ස්’ ගීතයේ මූලාරම්භයට සම්බන්ධ බව පැවසේ.

නිව් යෝර්ක්හි ප්‍රාථමික පාසලක ද “ජිංගල් බෙල්ස්” එහි විෂය මාලාවෙන් ඉවත් කිරීමට තීරණය කළේ ගීතය තුළින් “විවාදාත්මක හෝ ආක්‍රමණශීලී” හේතූන් මතු විය හැකි බවට ඇති සැලකිල්ල හේතුවෙනි.

නිව් යෝර්ක් හි රොචෙස්ටර් හි බ්‍රයිටන් මධ්‍යම පාසල්වල කොටසක් වන බාලාංශයේ සිට දෙවන ශ්‍රේණියේ පාසලක් වන කවුන්සිල රොක් ප්‍රාථමික පාසලේ නිලධාරීන් විසින් ගන්නා ලද තීරණය පිළිබඳව රොචෙස්ටර් බීකන් ප්‍රථමයෙන් මේ පිළිබඳ වාර්තා කළේය.

“ජිංගල් බෙල්ස්” හි විස්තර කර ඇති ස්ලයිග් සීනු සම්බන්ධව නැඟුණු පැනයට ප්‍රතිචාර වශයෙන් “මා සොයාගත් ගීතයට කිසිදු සම්බන්ධයක් නොමැති” බව හැමිල් විසින් රොචෙස්ටර් බීකන් වෙත පැවසීය.

“ජිංගල් බෙල්ස්” ඉගැන්වීම නැවැත්වීමට තෝරා ගත් පළමු පාසල කවුන්සිල් රොක් ප්‍රාථමික පාසල බව ඇය බීකන් වෙත පැවසූ අතර පාසල් නිලධාරීන්ට “මෙම ප්‍රකාශය සඳහා හොඳින් යොමු වූ මූලාශ්‍රයක්” හඳුනා ගැනීමට පවා යෝජනා කර තිබුණි.

මෙය ඇතැමුන් යෝජනා කරන පරිදි ලිබරල්වාදයේ උමතුවක් හෝ සංස්කෘතියේ පරිහානියට බලපෑමක් නොවන බවත්, ඔබ ‘ජිංගල් බෙල්’ ගායනා නොකළ යුතු යැයි කිසිවකු පවසා හෝ දරුවන්ට එය කිසිඳු ආකාරයකින් යෝජනා කර නොමැති බවද පැවසේ.

අවසාන වශයෙන්, යම් දෙයක් වෙනත් කෙනෙකුට වෙනස් ලෙස අත්විඳිය හැකිද නැද්ද යන්න පිළිබඳව පැනයක් නොනැඟේනම් ඊට අපි ගරුකළ යුතු නොවේද?

කෙනෙක්ට විප්ලවකාරී දෙයක් තව කෙනෙක්ට නත්තල් තෑග්ගක් මෙන් පෙනීම එකිනෙකාගේ මනෝභාවය ඔස්සේ තීරණය වන දෙයකි. ඊට බලපෑමක් කිරීමට ඔබට ද මට ද බැරිය.

කෙසේ හෝ හරි අපූරු කතාවක් නම් අභ්‍යවකාශයේ සිට විකාශය වූ පළමු ගීතය යන විරුදාවලිය ද “Jingle Bells” ගීතයට ලැබෙනු ඇත.

1965 වසරේ නත්තලට දින දහයකට පෙර, සිදු වූ මෙම සිදුවීමෙන් පසු
එම සීනු සහ හාර්මොනිකා ස්මිත්සෝනියන් ජාතික ගුවන් හා අභ්‍යවකාශ කෞතුකාගාරයේ ප්‍රදර්ශනය කෙරේ.