කොළඹ LNW: හින්දු ආගමිකයින්ට බංග්ලාදේශය තුළ සිදුවෙමින් පවතින ප්‍රචණ්ඩකාරී හැසිරීම් සම්බන්ධයෙන් විසඳුමක් ලබා ගැනීමට සහය වන ලෙස ශ්‍රී ලංකාවේ ලෝක හින්දු සම්මේලනය අද (05) කොළඹ එක්සත් ජාතීන්ගේ කාර්යාලය ඉදිරිපට විරෝධතාවක් සංවිධානය කර තිබුණි.
නිහඬ විරෝධයක් ලෙස පැවති එම සංකේත විරෝධය තුළ බංග්ලාදේශයේ හින්දු බැතිමතුන්ට සහය පළකරමින් ඔවුන්ගේ ආගමික නිදහස් ආරක්ෂා කරගැනීමට ලෝක ප්‍රජාව මැදිහත්විය යුතු බවටයි මෙරට ලෝක හින්දු සම්මේලනය අවධාරණය කළේ.
බංග්ලාදේශයේ ආගමික අන්තවාදීන්ගේ ග්‍රහණයේ පසුවන හින්දු පුජකවරු නිදහස් කරන ලෙසද එහිදී බලකෙරුණි.
සිය ඉල්ලීම් රැගත් සන්දේශයක් මෙරට එක්සත් ජාතීන්ගේ කාර්යාලය භාර දීමටද විරෝධතාකරුවන් කටයුතු කරන ලදී.
ජායාරූප – අජිත් සෙනෙවිරත්න
සියලුම ඡායාරූප නරඹන්න
අපගේ readphotos වෙබ් අඩවිය වෙත පිවිසෙන්න.
