රෂිකා හෙන්නායක දෙසැම්බර් 07, කොළඹ LNW :
අද (07) දින ආපදා ආධාර වශයෙන්, එක්සත් අරාබි එමීර් රාජ්යය විසින් මෙරටට ලබා දුන් 09 වන ආධාර තොගය රැගත් එරට ගුවන් හමුදාවට අයත් විශේෂ භාණ්ඩ ප්රවාහන ගුවන් යානය කටුනායක ගුවන් තොටුපොළ වෙත පැමිණි බව වාර්තා වේ,
ඒ අනුව, ඉලුෂියන් අයි.එල්.- 76 වර්ගයේ විශාලතම භාණ්ඩ ප්රවාහන ගුවන් යානයක් වූ එය අද පස්වරු 04.47 ට අබුඩාබි නුවර සිට කටුනායක ගුවන්තොටුපොළ වෙත පැමිණ තිබු අතර, එම ගුවන් යානයෙන් කිලෝ ග්රෑම් 13,482 ක් බරැති කූඩාරම් සහ ගමන් මලු තොගයක් රැගෙනවිත් ඇති බව වාර්තා වේ.
එම ආධාර තොගය භාරගැනීම සඳහා ශ්රී ලංකා යුද හමුදා නිලධාරීන්, ආපදා කළමනාකරණ මධ්යස්ථානයේ සහ ශ්රී ලංකා විදේශ කටයුතු අමාත්යංශයේ නිලධාරීන් පිරිසක් ද කටුනායක ගුවන්තොටුපොළ වෙත පැමින සිටි බව වාර්තා වේ.
