කොළඹ LNW:සිරියාවේ පාලන බලය Hayat Tahrir al-Sham හෙවත් HTS සංවිධානය වෙත භාරදීමට එරට අගමැති තීරණය කර තිබේ.
සිරියා ජනාධිපති බෂාර් අල් අසාද් පාලනයට එරෙහිව HTS කැරළි කණ්ඩායම විසින් ගෙන ගිය සටනේ ප්‍රතිඵලයක් ලෙස පසුගිය 08 වැනිදා ඔවුන් සිරියාවේ ඩමස්කස් අගනුවර අත්පත් කරගැනීමෙන් අනතුරුව අසාද් පාලනය විසින් උක්ත තීරණය ගෙන තිබේ.
සිරියානු ජනාධිපතිවරයාද සිය පවුලේ සාමාජිකයින් සමඟ මේ වන විට රටින් පලාගොස් ඇති අතර ඔහුට රුසියාවේ සරණාගාතභාවය ලැබී ඇති බවයි විදෙස් වාර්තා පෙන්වාදෙන්නේ.
සිරියාව තුළ මෙලෙස බිඳ වැටී ඇත්තේ 54 වසරක අසාද් පාලනයයි.
ඒ අනුව HTS සංවිධානය විසින් අත්පත්කරගත් මෙම ජයග්‍රහණය සිරියාව තුළ පමණක් නොව විදෙස්ගතව සිටින සිරියානුවන්ද සමරමින් සිටින බව වාර්තා වෙයි.
ආශිකා බ්‍රාහ්මණ
