සටහන: සශිකලා මධුෂාණි
දෙසැම්බර් 10; ලෝකය(අවුට්බවුන්ඩ් ටුඩේ) : ඊශ්‍රායල යුද ගුවන් යානා සිරියාවේ අගනගරය වන ඩැමස්කස් අගනුවර ඇතුළු රට පුරා ගුවන් ප්‍රහාර 100 කට වඩා වැඩි ප්‍රමාණයක් දියත්කර ඇති බව එක්සත් රාජධානිය පදනම් කරගත් මානව හිමිකම් සඳහා වන සිරියානු නිරීක්ෂණාගාරය (SOHR) ඇතුළු එරට මාධ්‍ය වාර්තා කර තිබේ.
ඊශ්‍රායලයේ නවතම පියවරයන් පැමිණෙන්නේ සිරියානු කැරලිකාර සටන්කාමීන් දමස්කස් අගනුවර අල්ලාගෙන බෂාර් අල් අසාද්ගේ පාලනය පෙරළා දැමීමෙන් පසුවය. ප්‍රහාරයට ලක්වූ ස්ථාන අතර රසායනික අවි නිෂ්පාදනයට සම්බන්ධ බවට සැක කෙරෙන පර්යේෂණ මධ්‍යස්ථානයක් ද වාර්තා වන අතර ඊශ්‍රායලය පවසන්නේ අසාද් පාලනය පෙරලා දැමීමෙන් පසු අවි “අන්තවාදීන් අතට පත්වීම” නැවැත්වීමට ක්‍රියා කරන බවයි.
මේවන විට සිරියාව ඉස්ලාමීය විරුද්ධවාදී කණ්ඩායමක් වන Hayat Tahrir al-Sham (HTS) විසින් මෙහෙයවන ලද හමුදා, විසින් පාලන කරන අතර එරට හිටපු ජනාධිපති බෂාර් අල්-අසාද් දේශපාලන රැකවරණය පිණිස රුසියාවට පලා ගොස් ඇත.
