බදුල්ල දිස්ත්රික්කයේ පස්සර සහ ලුණුගල ප්රාදේශීය ලේකම් කොට්ඨාශවල රජය විසින් ක්රියාත්මක කරන සියලුම සංවර්ධන කටයුතු අධීක්ෂණය කිරීම වෙනුවෙන්, එම ප්රාදේශීය සම්බන්ධීකරණ කමිටුවල සම සභාපතිවරයා ලෙස පාර්ලිමේන්තු මන්ත්රී වඩිවෙල් සුරේෂ් මහතා පත් කර තිබේ.
ජනාධිපති රනිල් වික්රමසිංහ මහතා විසින් මෙම පත්කිරීම සිදුකර ඇත.
මීට පෙර, පසුගිය සතියේදී උඩරට දෙමළ ජනතාව ශ්රී ලාංකේය සමාජයට පූර්ණ ලෙස ඒකාබද්ධ කිරීම පිළිබඳ ජනාධිපති රනිල් වික්රමසිංහ මහතාගේ උපදේශකවරයා ලෙස ද වඩිවේල් සුරේෂ් මහතාව පත් කෙරිණි.
වඩිවේල් සුරේෂ් මහතා 2020 මහමැතිවරණයේදී සමගි ජන බලවේගය නියෝජනය කරමින් බදුල්ල දිස්ත්රික්කයෙන් තරගකර පාර්ලිමේන්තුවට තේරී පත්වූ අතර මෙවර අයවැය දෙවැනි වර කියවීමේ ඡන්ද විමසීමේදී ඔහු ආණ්ඩු පක්ෂයේ මන්ත්රීවරුන් සමග අයවැයට පක්ෂව ඡන්දය ප්රකාශ කළේය. ඒ හේතුවෙන් ඔහුව සජබ පස්සර ආසන සංවිධායක ධුරයෙන් ඉවත් කිරීමට ද එම පක්ෂය කටයුතු කර තිබිණි.
RN
