සටහන – රෂිකා හෙන්නායක
කොළඹ (LNW): ඊයේ (13) පස්වරුවේ මහියංගණය පොලොන්නරුව මාර්ගයේ අලුත්තරම ප්රදේශයේ තිබි පිරිමි දරුවෙකු ගේ බිළිදු මළ සිරුරක් හමුවු බව ගිරාදුරුකොට්ට පොලිසිය කියා සිටී.
අලුත්තරම ආර්මි බස් නැවතුම් පොල ආසන්නයේ කුඩා දරුවෙකු ගේ බවට සැක කල හැකි මළ සිරුරක් ඇති බවට ලද තොරතුරක් මත එම ස්ථානයට ගිය පොලිස් නිලධාරීන් හට මෙම සිරුර හමුවි ඇති බවත්, ඒ ආසන්නයේ කලු පැහැති ටියුලිත් බෑගයක් ද තිබි හමුවු බවත් එම බෑගයේ දමා රැගෙනවිත් මෙම ස්ථානයේ මෙම මළ සිරුර දමා යන්නට ඇති බවත් පොලිසිය කියයි.
අනතුරුව මේ පිළිබඳ මහේස්ත්රාත් පරික්ෂණ කටයුතු සිදු කිරීමෙන් පසු එය මහියංගණය මූලික රෝහල් මෘත ශරීරාගාරයේ තැන්පත් කර ඇති බවත්, මෙම සිරුර දිනක් පමණ වයසැති බිළිදෙකු ගේ බවට විශ්වාස කරන බවත් ඒ පිළිබඳව පශ්චාත් මරණ පරික්ෂණයක් සිදුකිරිමට අවශ්ය පියවර ගන්නා බවද පොලිසිය පැවසීය.
පොලිසිය සදහන් කළේ, බදුල්ල කොට්ඨාසය භාර ජ්යෙෂ්ඨ පොලිස් අධිකාරි වසන්ත කන්දෙවත්ත සහ මහියංගණය සහකාර පොලිස් අධිකාරි එස්.පි පලිපාන යන මහත්වරුන්ගේ උපදෙස් මත ගිරාදුරුකොට්ට පොලිස් ස්ථානාධිපති පොලිස් පරික්ෂක සුදේශ් චතුරංග මහතා ගේ මෙහෙයවීමෙන් අපරාධ අංශයේ නිලධාරීන් විසින් වැඩිදුරටත් විමර්ශන සිදුකරන බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
