මිනීමැරුම් සහ මත්ද්රව්ය මැඩලීම් සඳහා උපරිම ක්රියාමාර්ග ගන්නැයි මහජන ආරක්ෂක අමාත්ය ටිරාන් අලස් මහතා පොලිස්පතිවරයා ඇතුළු ඉහළ පොලිස් නිලධාරීන් කැඳවා උපදෙස් ලබාදී තිබේ.
ජනශක්ති සමූහ ව්යාපාරයේ සභාපති දිනේෂ් ෂාෆ්ටර් මහතාගේ කුරිරු සහ අභිරහස් ඝාතනය සම්බන්ධයෙන් සිදුකෙරෙන විමර්ශන මෙන්ම මත්ද්රව්ය මැඩලීම සම්බන්ධව කෙරෙන පොලිස් විමර්ශනවල ප්රගතිය විමසා බැලීම සඳහා අමාත්යවරයා විසින් එම රැස්වීම අද (16) පෙරවරුවේ කැඳවා තිබිණි.
සංවිධානාත්මක අපරාධ කල්ලි මගින් සිදුකෙරෙන මිනීමැරුම් හා මත්ද්රව්ය ජාවාරම් සමස්ත සමාජයටම බරක් වී ඇති බැවින් මෙම ව්යසනකාරී තත්වය මර්දනය කිරීම සඳහා ඊට අදාළ පුද්ගලයින්ගේ තරාතිරම නොබලා එවැනි අපරාධකරුවන් සමාජයෙන් ඉවත් කිරීමට කටයුතු කරන්නැයි එහිදී අමාත්ය ටිරාන් අලස් මහතා ජ්යේෂ්ඨ පොලිස් නිලධාරීන්ට නියෝග කර ඇත.
RN
