සටහන – රෂිකා හෙන්නායක.
ලෝකය (අවුට්බවුන්ඩ් ටුඩේ): අත්වැරදීමකින් ගාසා තීරයේ රඳවා සිටි ප්‍රාණ ඇපකරුවන් තිදෙනෙකු ඝාතනය වූ බව ඊශ්‍රායලය හමුදා පවසයි.
හමුදාව සදහන් කර ඇතැයි විදෙස් මාධ්‍ය වාර්තා කරන්නේ, ගාසා තීරයේ ප්‍රාණ ඇපකරුවන් තිදෙනෙකු වැරදි ලෙස හඳුනා ගැනීමෙන් පසු අත් වැරදීමකින් මෙලෙස ඝාතනය වූ බවයි.
28 හැවිරිදි යොතැම් හයිම්, 22 හැවිරිදි සේමර් ටලල්කා හා 26 හැවිරිදි ඇලන් ශම්‍රිස් මෙලෙස ඝාතනය වී ඇත.
ගාසා හි උතුරේ ෂෙජායියා හි ක්‍රියාත්මක වූ හමුදා විසින් මෙම තිදෙනාට වෙඩි තැබූ බව සඳහන්ය.
මෙලෙස ඝාතනය වූ පුද්ගලයන් තිදෙනාගේ සිරුරු ඊශ්‍රායල භූමියට යවා ඇති අතර එහිදී ඔවුන්ගේ අනන්‍යතාවය තහවුරු කර ඇත.
ඔක්තෝම්බර් 7 වැනිදා ඊශ්‍රායලයට එල්ල වූ ප්‍රහාරයෙන් පසුව ගාසා තීරයේ ප්‍රාණ ඇපකරුවන් 100කට වැඩි පිරිසක් තවදුරටත් සිරගතව සිටින බවයි විදෙස් මාධ්‍ය වාර්තා කරන්නේ.
