හෝමාගම, පිටිපන බෞද්ධ හා පාලි විශ්වවිද්‍යාලයේ ගිහි සහ භික්ෂු සිසුන්ට අමානුෂික ලෙස නවක වදය ලබාදීම ඇතුළු චෝදනා හතරක් යටතේ හෝමාගම පොලිස් අත්අඩංගුවට ගත් විශ්වවිද්‍යාලයේ මහා ශිෂ්‍ය සංගමයේ ලේකම් තලාවේ ධම්මික හිමියන් මේ මස 27 වැනි දින දක්වා රක්ෂිත බන්ධනාගාරගත කරන ලෙස හෝමාගම මහේස්ත්‍රාත් නිලුපුලි ලංකාපුර මෙනෙවිය නියෝග කළාය.
බෞද්ධ හා පාලි විශ්වවිද්‍යාලයේ පළමු වසරේ සිසුන්ගෙන් සහ පාලනාධිකාරියෙන් ලද පැමිණිලි මත සිදු කළ විමර්ශනයකින් පසු එම හිමියන් අත්අඩංගුවට ගෙන අධිකරණය වෙත ඉදිරිපත් කර ඇත.
විශ්වවිද්‍යාල නවක සිසුන්ට අමානුෂික ලෙස නවක වදය දීම, අයුතු සිරකර තැබීම, අයුතු අවහිරය සහ සුළු තුවාල සිදු කිරීම චෝදනා යටතේ එම නඩුව ගොනු කර තිබුණි.
රෂිකා හෙන්නායක
