ශ්රී ලංකා ක්රිකට් ආයතනයේ ඉදිරි නිලවරණය පැවැත්වීම සඳහා ශ්රී ලංකා ක්රිකට් ආයතනය විසින් පවතින ක්රීඩා නීති රෙගුලාසි සහ ආණ්ඩුක්රම ව්යවස්ථාවට අනුකූලව ත්රී පුද්ගල කමිටුවක් පත් කරන්නට තීරණය කර ඇත.විශ්රාමික අභියාචනාධිකරණ විනිසුරුවරියක්,විශ්රාමලත් මහාධිකරණ විනිසුරුවරියක් සහ විශ්රාමික ජ්යෙෂ්ඨ රාජ්ය නිලධාරියෙක් එම කමිටුව නියෝජනය කරයි.
විශ්රාමලත් අභියාචනාධිකරණ විනිසුරු මාලනී ගුණරත්න,විශ්රාමලත් මහාධිකරණ විනිසුරු ශිරෝමි පෙරේරා සහ මීට පෙර ද ක්රිකට් නිලවරණ කමිටුව නියෝජනය කර ඇති විශ්රාමික ජ්යෙෂ්ඨ රාජ්ය නිලධාරි සුනිල් සිරිසේන එම කමිටුවට පත් කළ තිදෙනාය.
2022 දෙසැම්බර් 15 පැවති අති විශේෂ මහා සභා රැස්වීමේ දී ඒකමතිකව මෙම නිලවරණ කමිටුව අනුමත කෙරුණු බව ශ්රී ලංකා ක්රිකට් ආයතනය දන්වා සිටින අතර එළැඹෙන වසරේ මැයි 23 වන දා පැවත්වෙන නිලවරණය සම්බන්ධයෙන් අවශ්යය ක්රියාමාර්ග ගැනිම එම විශේෂ කමිටුව විසින් ඉටු කිරීමට නියමිතය.
RM
