කොළඹ LNW:පාතාලය මර්දනය කිරීමේදී මාතර,දික්වැල්ල,මිදිගම සහ වැලිගම යන පොලිස් වසම් වෙත මූලිකත්වය දෙමින් ඉදිරි මාස කිහිපය තුළ දක්ෂ නිලධාරීන් යොදවා දිවා රාත්‍රී වැඩපිළිවෙලක් ඔස්සේ පාතාලය මර්දනය කිරීමේ මෙහෙයුම ආරම්භ කරන බව වැඩබලන පොලිස්පති දේශබන්දු තෙන්නකෝන් මහතා පවසයි.
2023 වසරේදී අපරාධ 66ක් සිදුව තිබෙන අතර ඉන් 34,බස්නාහිර පළාතෙන් මෙන්ම 26ක් දකුණු පළාතෙන් වාර්තා වී තිබෙන බවයි තෙන්නකෝන් මහතා සඳහන් කරන්නේ.
අපරාධවලට සම්බන්ධ වූ පුද්ගලයින් 1091ක් හඳුනා ගෙන තිබෙන අතර ඉන් 790කගේ දත්ත සම්පුර්ණයෙන් රැස්කර අවසන් බවද වැඩබලන පොලිස්පතිවරයා පවසයි.
මේ අතර උසාවි මඟින් නියෝග කළ විවෘත වරෙන්තු 70,000ක් පමණ ගොඩගැසී තිබෙන අතර ඇඟිලි සලකුණුවලින් අපරාධකරුවන් ලෙස හඳුනාගත් පිරිස ද විසිදහස් ගණනක් වන නමුත් ඔවුන් අල්ලාගැනීමට නොහැකි වී ඇත්තේ පොලිස් වසම්වල සිටින පවුල්වල ලියාපදිංචිය සදහන් පොලිස් දත්ත ගබඩාව යාවත්කාලීන නොවීම වන බවත් එම කටයුත්ත කඩිනමින් සිදුවිය යුතු බවත් ඔහු වැඩිදුරටත් ප්‍රකාශ කරයි.
ASK
