ඉදිරි ජනාධිපතිවරණය සඳහා ශ්‍රී ලංකා පොදුජන පෙරමුණේ අපේක්ෂකයා වශයෙන් පාර්ලිමේන්තු මන්ත්‍රී ධම්මික පෙරේරා මහතාව ඉදිරිපත් කිරීමට තීරණය කර ඇති බව වාර්තා වේ.
ශ්‍රී ලංකාවේ ව්‍යාපාරික ක්ෂේත්‍රය තුළ අංක එකට පැමිණි ධම්මික පෙරේරා මහතා දෙස් – විදෙස් ක්ෂේත්‍ර ගණනාවක ආයෝජන කටයුතු සිදුකර ඇති, ඒ ඔස්සේම ආර්ථිකයේ ක්ෂේත්‍ර ගණනාවක් ගැන හැදෑරීම් කර අත්දැකීම් ද ඇති අයෙකි. එසේම ජනාධිපතිවරණයට ඉදිරිපත් වෙන බව කියැවෙන අපේක්ෂකයින් අතරින් ශ්‍රී ලංකාවේ ආර්ථිකය සංවර්ධනය කිරීම සඳහා නිශ්චිත, ප්‍රායෝගික වැඩපිළිවෙලක් සමග ක්‍රියාකාරී සැලැස්මක් ඉදිරිපත් කර ඇත්තේ ද ධම්මික පෙරේරා මහතා පමණි.
ධම්මික පෙරේරා මහතා මීට පෙර ප්‍රවාහන අමාත්‍යාංශ ලේකම්වරයා ලෙසත් ආයෝජන ප්‍රවර්ධන අමාත්‍යවරයා ලෙසත් කටයුතු කර ඇත.
ඒ මහතා විසින් 2019 වසරේදී ආරම්භ කරන ලද ඩීපී එඩියුකේෂන් සමාජ සත්කාරක වැඩසටහන ඔස්සේ මෙරට පාසල් දරු දැරියන් ලක්ෂ 15කට අධික සංඛ්‍යාවකට අධ්‍යාපනය ලබාදෙමින් සිටින අතර තොරතුරු තාක්ෂණ ක්ෂේත්‍රයේ රැකියා මිලියනයක් බිහිකිරීමේ අරමුණින් 2023 වසරේදී ආරම්භ කළ ඩීපී එඩියුකේෂන් අයි.ටී. කැම්පස් වැඩසටහන ඔස්සේ මේ වනවිට තවත් සිසුන් ලක්ෂ දෙකකට අධික ප්‍රමාණයකට රැකියා ඉලක්කගත පරිගණක භාෂා අධ්‍යාපනයක් ලබාදෙනු ලැබේ.
RN
