පාසල් ළමුන් මත්ද්රව්ය උවදුරෙන් මුදාගැනීම සඳහා විශේෂ වැඩපිළිවෙළක් ආරම්භ කිරීමට නියමිත බව පුනරුත්ථාපන කොමසාරිස් ජනරාල් බ්රිගේඩියර් දර්ශන හෙට්ටිආරච්චි මහතා පවසයි.
ඔහු සඳහන් කළේ, ඒ සඳහා සියලුම පාර්ශවවල සහය අපේක්ෂා කරන බවයි.
මේ දිනවල දෙමව්පියන් සිය දරුවන් සම්බන්ධයෙන් සුවිශේෂී අවධානයක් යොමු කළ යුතුව ඇති බව ද ඔහු පැවසුවේ ය.
පාසල් සිසුන් මත්ද්රව්ය ජාවාරම සඳහා යොදා ගැනීම වැළැක්වීමට විශේෂ වැඩපිළිවෙළක් ආරම්භ කරන බව ජාතික ළමාරක්ෂක අධිකාරිය පවසයි.
එහි සභාපති උදය කුමාර මහතා පැවසුවේ, අධ්යාපන අමාත්යාංශය, පොලිසිය ඇතුළු අංශ සමග සාකච්ඡා කර එම වැඩපිළිවෙළ ක්රියාත්මක කරන බවයි.
රෂිකා හෙන්නායක