කොළඹ LNW: අයහපත් කාලගුණික තත්වය හේතුවෙන් පීඩාවට පත් ජනතාවට සහන සැලසීම සඳහා අඟුණකොළපැලැස්ස බන්ධනාගාර රැඳවියන් සිය දින දෙකක දිවා ආහාර වේල සඳහා වෙන්වූ වියළි ආහාර ද්රව්ය පරිත්යාග කිරීමටත් අඟුණකොළපැලැස්ස බන්ධනාගාරයට අනුයුක්තව සේවය කරන සියලුම නිලයන්හි සේවය කරන්නන්ගේ දිනක වැටුප පරිත්යාග කිරීමෙන් රුපියල් ලක්ෂ 06ක (රු.600,000.00) මුදලක් අරමුදල වෙත පරිත්යාග කිරීමටත් කටයුතු කර තිබේ.
ඒ අනුව සූදානම් කර තිබූ අතර එම ද්රව්යමය සහ මුදල් ආධාර පළාත් සභා සහ පළාත් පාලන නියෝජ්ය අමාත්ය රුවන් සෙනරත් මහතා වෙත නිල වශයෙන් භාර දීම අද (20) එම බන්ධනාගාර පරිශ්රයේ දී සිදු විය.
මෙම අවස්ථාව සඳහා තංගල්ල ප්රාදේශීය සභාවේ සභාපති සඳරුවන් පී. බදුගේ, අඟුණකොළපැලැස්ස බන්ධනාගාර අධිකාරී සමන්ත මහානාම, අඟුණුකොළපැලැස්ස ප්රාදේශීය ලේකම්තුමිය, හම්බන්තොට දිස්ත්රික් ආපදා කළමනාකරණ මධ්යස්ථාන ප්රධානී යන මහත්ම මහත්මීන් ඇතුළු නිලධාරීන් පිරිසක් එක්ව සිටියහ.
